From Wikipedia, the free encyclopedia
La Pinakoteko de Ŝtato San-Paŭlo (portugale Pinacoteca do Estado de São Paulo) estas unu el la plej gravaj artmuzeoj en la urbo San-Paŭlo en Brazilo, kun kolekto kiu inkludas pli ol 6,000 verkojn [1].
| Pinakoteko de Ŝtato San-Paŭlo | |||
|---|---|---|---|
 | |||
 | |||
| pinakoteko arta muzeo  | |||
| Lando | Brazilo vd | ||
| Situo | San-Paŭlo | ||
| Adreso | Praça da Luz 2, São Paulo, SP 01120-010 | ||
| Poŝtkodo | 01120-010 | ||
| Situanta sur | Jardim da Luz | ||
| Estiĝo | 1905 | ||
| Malfermo | 1905 | ||
| Koordinatoj | 23° 32′ 4″ S, 46° 38′ 2″ U (mapo)-23.534444444444-46.633888888889 | ||
| |||
 Pinakoteko de Ŝtato San-Paŭlo | |||
| Jaraj vizitantoj: | 425 575 (2014) | ||
| Retpaĝo | https://www.pinacoteca.org.br/ | ||
Ĝi estas la plej malnova artmuzeo en San-Paŭlo, fondita en 1905 kaj reguligita kiel ŝtata publika muzeo ekde 1911 [2].
La kolektoj enhavas ĉefe brazilan arton de la 19-a kaj 20-a jarcentoj, sed ankaŭ aliajn pentraĵojn, skulptaĵojn, glumozaikojn, desegnaĵojn, tapiŝojn, porcelanojn kaj ceramikaĵojn. Rimarkindas ankaŭ la Braziliana Kolekto, konsistanta el verkoj de eksterlandaj artistoj laborantaj en Brazilo aŭ inspiritaj de la landa ikonografio, la Kolekto Nemirovskij, kun esprima aro de ĉefverkoj de la brazila modernismo kaj, pli lastatempe, la Kolekto Roger Wright, ricevita en pruntedonado en januaro 2015.
La Pinakoteko ankaŭ havas la filion ''Estação Pinacoteca'' ("Stacio Pinakoteko"), kun provizoraj ekspozicioj kaj dokumenta centro sur Largo General Osório strato.
La bildgalerio situas en la tuja najbareco de la Estação da Luz, la centra fervoja stacidomo de la grandurbo, en granda brikkonstruaĵo dizajnita fare de Ramos de Azevedo, la grava Paulist-arkitekto. La konstruaĵo estis inaŭgurita en 1905 kaj origine estis intencita por funkcii kiel la ĉefsidejo de la "Liceu de Artes e Oficios". En 1911 ĝi estis konvertita en muzeon per dekreto.
Ekde la renovigo gvidita de Paulo Mendes da Rocha en la 1990-aj jaroj, en kiu miksaĵo de malnovaj konstruaĵoj kaj modernaj arkitekturaj elementoj igis la konstruaĵon unu el la plej imponaj muzeoj iam ajn, ĉi tiu institucio fariĝis unu el la plej dinamikaj en la lando [3][4].
Aneksaĵo al la Pinakoteko estas la Estação Pinacoteca sur la alia flanko de la Estação da Luz; Tiu konstruaĵo estas havebla por ekspozicioj kaj enhavas la Pinakotekan dokumentarcentron. Dum la armea diktaturo, la ĉefsidejo de la Departamento de Ordem Política e Social situis ĉi tie.
En junio 2008, kvar pentraĵoj estis ŝtelitaj en artŝtelo (du pentraĵoj de Pablo Picasso kaj du pentraĵoj de Lasar Segall). Jaron pli frue, du pliaj pentraĵoj de Pablo Picasso malaperis el tiu ĉi muzeo [5][6][7].
La germana arthistoriisto kaj kuratoro Jochen Volz estas direktoro de la Pinakoteko ekde majo 2017.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
