La Palestina Islama Ĝihado (arabe حرقة الجهاد الإسلامي في فلستين, Harakat al-Jihād al-Islāmi fi Filastīn, mallonge nomiĝas: Islama Ĝihado, ankaŭ konata laŭ la anglalingva akronimo: PIJ) estas la nomo de palestina terorisma organizaĵo, kiu estas gvidita de islamisma ideologio, kiu kombinas religian fanatikecon kaj ultranaciismon.
| Palestina Islama Ĝihado | ||
|---|---|---|
| partio rezisto  | ||
| Komenco | oktobro 1981 vd | |
| Ideologio |
palestina naciismo • Tut-Islamismo • islamismo • kontraŭcionismo • Ĝihadismo • Tutarabismo | |
| Fondinto(j) | Ziyad Al-Nakhaleh • Fathi Shaqaqi • Ramadan Shalah vd | |
| Ĝenerala(j) Sekretario(j) |
Ziyad Al-Nakhaleh (en)  (2018–) vd | |
| Retejo | Oficiala retejo | |
La celo de la organizaĵo estas batali kontraŭ Israelo, kaj precipe la israela okupado de la palestinaj teritorioj. Ĝi estas plejparte religie motivita kaj konsideras kaj Israelon kaj la sekularajn arabajn reĝimojn manifestiĝo de okcidenta imperiismo en la islama mondo [1]. La organizaĵo ne rekonas la legitimecon de la Ŝtato de Israelo kaj armite luktas por establi palestinan suverenecon sur la tuta teritorio de Palestino.
Laŭlonge de sia historio, la organizaĵo faris plurajn mortigajn atakojn en Israelo, kaj kontraŭ judaj setlantoj kaj israelaj soldatoj en la okupataj teritorioj [1]. La armita filio de la organizaĵo estas nomita la Brigadoj al-Quds, sed la politika filio havas sian ĉefsidejon en Damasko, Sirio, kun oficioj en Bejruto, Teherano, kaj Ĥartumo [2].
Islama Ĝihado estis difinita kiel terorisma organizaĵo fare de pluraj landoj, inkluzive de Usono [3], la Eŭropa Unio [4], Britio [5], Japanio [6], Kanado [7], Aŭstralio [8] Nov-Zelando [9][10] kaj Israelo [11], ĉiuj el la okcidenta tendaro. Male ĝi estas konsiderata kiel milita organizo kontraŭ la ŝtato Israelo fare de kelkaj islamaj ŝtatoj.
La organizaĵo estis ekde 1995 sub la gvidado de Ramadan Shallah [12]. Li loĝas en Sirio kaj ankaŭ estis unu el la fondintoj de la organizaĵo. Shallah estis dezirata de la FBI dum jaroj [13][14]. Li suferspertis apopleksion en 2018 kaj estis anstataŭigita per Ziyad al-Nakhalah.
Laŭ kelkaj specialistoj pri la situacio en la Gazaa Sektoro, la Islama Ĝihado estas konsiderita pli radikala ol Hamas [15][16] [17]
Islama Ĝihado estis formita fare de tri palestinaj studentoj en Egiptio en 1980 (Fathi Shikaki, Abdul Aziz Odeh kaj Bashir Moussa) [1]. La kialo ili formis la organizaĵon estis seniluziiĝo kun la Islama Frataro, kiun ili kredis fariĝis tro varmeta, precipe en la Palestina lukto [18]. Ili ankaŭ estis inspiritaj fare de la Irana Revolucio [18]. La organizaĵo estis origine bazita en Egiptio, sed estis forpelita en 1981 post la murdo de prezidanto Anŭar as-Sadat [19]. Ili reestablis sin post tio en Palestino kaj Libano [1]. En aŭgusto 1987, ili mortigis israelan armean oficiron en Gazao, okazaĵo konsiderita estinti la unua sukcesa ago de la organizaĵo [1]. Ili distingiĝis en la 1990-aj jaroj kiel fortaj kontraŭuloj de la Oslaj interkonsentoj [1] kaj bojkotis la palestinajn prezidant-elektojn en 1996.
La organizaĵo estis precipe aktiva dum la dua intifado kaj faris serion da suicidatakoj en Israelo (notintas Atenco en la restoracio Maxim) kaj ankaŭ estis en perfortaj konfliktoj kun la palestina polico [1]. Islama Ĝihado kaj Hamas estis la unuaj organizaĵoj el ĉiuj palestinaj rezist-organizaĵoj kiuj faris suicidatakojn [20][21]. Ili ĉefe faris siajn atakojn en la Palestiniaj teritorioj kaj en Israelo propra, sed ili ankaŭ faris kelkajn atakojn en Jordanio kaj Libano [2].
La palestina islama Jihad asertis respondecon por multaj radikalaj agadoj dum la jaroj kaj estas priresponda por pli da ol 30 suicidaj bombadoj [22]. La internacian komunumon konsideras la uzon de sendiskriminataj atakoj al civilaj loĝantaroj kaj la uzo de homaj ŝildoj [23][24] kiel kontraŭleĝa laŭ internacia juro [25][26].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
