prezidento de Gabono (1967–2009) From Wikipedia, the free encyclopedia
Omar BONGO, oficiala nomo El Hadj Omar Bongo Ondimba, naskiĝis la 30-an de decembro 1935 en Levajo (Lewaï, nun Bongoville; tiam Ekvatora Franca Afriko, aktuale Gabono) — mortis la 8-an de junio 2009 en Barcelono, estis la dua prezidento de la Respubliko Gabona, ekde la 2-a de decembro 1967 ĝis sia morto.
En la 1960-aj jaroj li enoficiĝis kun subteno de la franca registaro, sed poste Bongo plurfoje estis akuzita pri luksaj nemoveblaĵoj kiujn li aĉetis en Francio supozite je mono malversaciita de la ŝtato.[2] Li mem ĉiam neis tiun. Ĉe tio ĝis sia morto li havis bonajn rilatojn kun ĉinaj kaj francaj aŭtoritatoj. Bongo 11-foje vizitis Ĉinion[3] kaj francaj entreprenoj, laŭ diroj de amaskomunikiloj, estis «dorlotitaj» en Gabono.[2][4]
Omar Bongo estis la reganto dum 41 jaroj, havinte la plej longan mandaton en Afriko.
La 6-an de majo 2009 Omar Bongo diris, ke li intertempe interrompas siajn oficialajn devojn tiel, ke li povus ripozi kaj funebri la morton en marto de Edith Lucie Bongo Ondimba, sia edzino. Oficiale estis deklarite, ke li metis sin en la malsanulejon de Quirón en Barcelono por kuraca ekzameno. Kelkaj fontoj asertis, ke la prezidanto estis kuracata pro intesta kancero. La 8-an de junio 2009 ĉ. 2:30 posttagmeze Omar Bongo forpasis pro korhalto ĉe la malsanulejo de Quirón.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.