La Rivero Oldman estas rivero en la suda Alberto. Ĝi fluas de okcidento al oriento de la Rok-Montaro tra Fort Macleod, Lethbridge, kaj Taber ĝis Grassy Lake, kie ĝi kuniĝas kun la rivero Bow por formi la Sud-Saskaĉevanan Riveron.
La Oldman havas longecon de 362 km kaj akvokolektan areon de 26.700 km². Ĝia meznombra trafluo estas 95 m³/s.[1]
En 1990 la registaro de Alberto provis digi la Oldman, kio (inter alie) estus inundinta pejganan/Blackfoot tombejon. La Blackfoot, gviditaj de Milton Born With A Tooth, responde mem deflankigis la riveron, kio sekvigis armitan plenhalton[2]. Fine oni konstruis la digon tie kie la riversistemoj de la Oldman, Crowsnest, and Castle kuniĝas.
La indiĝenulaj rezervejoj Peigan Timber Limit B kaj IR 145 Peigan de la Nacio Piikani (Pejgana) kaj rezervejo IR 148 Blood de la Nacio Kainai (angle: Blood) troviĝas borde de la Oldman.
De sia fonto ĝis la buŝo, la Oldman ricevas akvon de:
- Rivero Livingstone (Livingstone River)
- Rivero Crowsnest (Crowsnest River)
- Rivero Castle (Castle River)
- Rivereto Pincher (Pincher Creek)
- Rivereto Beaver (Beaver Creek)
- Rivereto Willow (Willow Creek)
- Rivero Belly (Belly River)
- Rivero Waterton (Waterton River)
- Rivero St. Mary (St. Mary River)
- Rivereto Lee (Lee Creek)
- Rivero Malgranda Bow (Little Bow River)
La fonto de la Oldman troviĝas en Natur-regiono Beehive[3], regiono de montara tundro kaj arbaroj de malnova piceo kaj abio. Poste ĝi trafluas Sovaĝejan Parkon Bob Creek[4] kaj Heredaĵan Ranĉlandon Black Creek[5]. Akvobaraĵo Oldman kaj Rivero Oldman estas aliaj Provincaj Distroterenoj kreitaj laŭ la rivero.
Fiŝoj
En la Oldman vivas diversaj fiŝ-specioj, inter ili la ĉielarka truto, truto cutthroat, truto bull, bruna truto, hibridaj trut-specioj (hibridaĵo de trutoj ĉielarka kaj cutthroat), rok-montara blankfiŝo, ezoko, ezoka perko, sturgo, katostomido, kaj fokseno.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
