politika ideologio From Wikipedia, the free encyclopedia
La nova maldekstro aŭ novmaldekstrismo estis vasta politika movado, ĉefe en la 1960-aj kaj 1970-aj jaroj, konsistante el aktivuloj en la okcidenta civilizo, kiuj batalis por multaj emancipadaj kaj sociaj celoj, ekzemple homaj kaj politikaj rajtoj, feminismo, gejaj rajtoj, abortaj rajtoj, ŝanĝo de seksaj roloj kaj drog-regularaj reformoj.[1] Kelkaj konsideris la novan maldekstron kiel reago kontraŭ la antaŭaj marksistaj kaj sindikataj movadoj por socia justeco, kiuj koncentriĝis je dialektika materialismo kaj klasbatalo, kvankam aliaj konsideris la movadon kiel daŭrigo kaj revitaligo de tradiciaj maldekstrismaj celoj.[2][3]
La germana-juda kritikteoriisto Herbert Marcuse estas nomata la “patro de la nova maldekstro”. Li malakceptis la teorion pri klasbatalado kaj la marksisman emfazon je laboristaj problemoj. Laŭ Leszek Kołakowski, Marcuse argumentis, ke “ĉiuj demandoj pri materiala ekzisto estis solvitaj, moralaj ordonoj kaj malpermesoj ne plu estas gravaj.” Li konsideris la realigon de la erotika naturo de homo la vera liberigo de la homaro, kiu inspiris la utopiojn de Jerry Rubin kaj aliaj.[4] Alia eminenta pensulo de la nova maldekstro, Ernst Bloch, kredis, ke socialismo faros la rimedojn por igi ĉiujn homojn senmortaj kaj poste krei Dion.[5]
En 1960, la sociologo Charles Wright Mills popularigis la terminon New Left en malferma letero.[6] Liaj verkoj ankaŭ donis grandan inspiron al la movado.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.