komunumo de Svislando From Wikipedia, the free encyclopedia
Kaufdorf estis ĝis la 31-a de decembro 2009 komunumo de la distrikto Seftigen kaj ekde la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 1029 loĝantojn je la 31-a de decembro 2010.
 |
Por samtitola artikolo vidu la paĝon Kaufdorf (stacidomo). |
| Kaufdorf | |
|---|---|
 | |
| Blazono de Kaufdorf | |
 | |
| Kaufdorf | |
| komunumo en Svislando | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Seftigen |
| Geografia situo | CH1903: 603389 / 186880 (mapo)46.8330555555567.4830555555556 |
|
| |
| Nombro de loĝantoj | 1029 |
| Areo | 2,06 km² |
| Alteco | 560 m super marnivelo |
| Poŝtkodo | 3126 |
| Komunumkodo | 0869 |
 | |
| Mapo de Kaufdorf | |
Kaufdorf situas en la Svisa Mezlando en la ebenaĵo de la valo de la rivero Gürbe proksimume 13 kilometrojn sudsudoriente de la federacia urbo Berno. La komunumo konsistas el la vilaĝo Kaufdorf kaj la setlejoj Loch (ĉe la kantona ĉefvojo), Guetebrünne (sur alteco de 709 m s.m. en okcidento de la komunumo), kaj Weid (sur alteco de 710 m s.m. en sudokcidento de la komunumo).
La teritorio de la komunumo etendiĝas sur areo de 2,06 km², de kiuj 14,3% estas kovritaj de arbaro, 64,3% servas por agrikulturo kaj 20,0% por setlado. [1]
La komunumo Kaufdorf limas en nordo al Toffen, en oriento al Gelterfingen, en sudo al Rümligen, kaj en okcidento al Rüeggisberg.
La komunumo situas ĉe la kantona ĉefvojo n-ro 183 de Belp tra Toffen, Riggisberg kaj Schwarzenburg al Friburgo, kaj la kantona ĉefvojo n-ro 221 de Belp al Steffisburg. La komunumo disponas pri stacidomo ĉe la fervojlinio tra la Gürbe-Valo de Belp al Steffisburg. Krome pasas tra Kaufdorf la poŝtaŭtolinio de Toffen al Riggisberg.
Kaufdorf fariĝis mondvaste konata pri la historia aŭtomobiltombejo, kiu post longa serio da tribunalaj procesoj en la jaro 2010 fine estis forigita. Sur la teritorio, kiu apartenis al la Messerli Autoverwertung GmbH troviĝis pli ol 800 aŭtomobilvrakoj parte el la 1930-aj jaroj. La posedanto Messerli, kiu heredis la entreprenon de sia patro, rifuzis dum longa tempo tra ĉiuj tribunalaj instancoj forigi la malnovajn aŭtomobilojn, post kiam pro la novaj federaciaj mediprotektaj leĝoj la deponado de aŭtomobilvrakoj rekte sur la grundo ne plu estis permesita. En la jaro 2008 la svisa artisto Heinrich Gartentor faris artekspozicion en la aŭtomobilotombejo.
La unua dokumenta mencio de Kaufdorf datiĝas el la jaro 1148 kiel Cuffedorf. La malalta jurisdikcio apartenis ĝis la jaro 1319 al la Senjorujo Burgistein, tiam fariĝis havaĵo de la berncivita familio Vom Stein kaj en la jaro 1386 de la familio Spilmann. La heredantoj de Egidius Spilman koncedis la malaltan jurisdikcion pri Kaufdorf al la Monaĥejo Insulo en Berno. Post la reformacio en la jaro 1528 la urbo Berno ĝis la Helveta Revolucio de 1798 atribuis la malaltan jurisdikcion al la tribunalo de Thurnen sub la alta jurisdikcio de la kampara tribunalo de Seftigen. De 1803 ĝis 2009 la komunumo apartenis al la distrikto Seftigen, ekde la 1-a de januaro 2010 ĝi formas parto de la administra distrikto Berno-Mezlando. [2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_187.jpg)
