franca politikisto From Wikipedia, the free encyclopedia
Kader Arif (naskiĝis la 3-an de julio 1959 en Alĝero (Alĝerio)[1]) estas franca politikisto. Li fariĝis ministro delegita al batalintoj la 16-an de majo 2012 en la 1-a registaro de Jean-Marc Ayrault. De la 9-a de aprilo 2014, li estas subministro komisiita pri batalintoj kaj memorigo, en la 1-a registaro de Manuel Valls kaj 2-a.
Kader Arif[2], estas la plejaĝulo de kvarinfana familio. Lia patro engaĝita kiel harkio flanke de la franca armeo, forlasis Alĝerion por Francio, kun sia familio.
Li studis en Castres, poste en Tuluzo, en la Universitato de Tuluzo 2-Le Mirail.
Socialista aktivulo en Haute-Garonne, Kader Arif estis rimarkita de Lionel Jospin, tiam departementa konsiliano de Haute-Garonne kaj ĉefsekretario de la Socialista Partio.
La 13-an de junio 2004, Kader Arif estis elektita membro de la Eŭropa Parlamento[3].
La 24-an de novembro 2005, Kader Arif estis reelektita ĉefsekretario de la Socialista Partio de Haute-Garonne kun 81,5 % da voĉoj.
La 6-an de junio 2009, estro de la listo PS (listo LSOC) por la sudokcidenta distrikto, li ricevis 17,72 % de la esprimitaj voĉoj[4] kaj estis relektita eŭropa parlamentano.
La 16-an de majo 2012, li estis nomumita ministro delegita al batalintoj en la 1-a registaro de Jean-Marc Ayrault.
La 16-an de junio 2012, li estis elektita deputito kun 57,78 % da voĉoj. Li lasis sian seĝon al sia anstataŭantino Émilienne Poumirol la 21-an de julio 2012.
La 9-an de aprilo 2014, li estis nomumita subministro ĉe la ministro pri defendo, komisiita pri batalintoj kaj memorigo[5].