From Wikipedia, the free encyclopedia
Patro Joseph WRESINSKI [ pl. Józef Wrzesiński](1917 - 1988) estis franca pastro kaj fondinto de la Internacia Movado ATD Kvara Mondo [1](Mouvement international ATD Quart Monde), kiu volas helpi al familioj kaj personoj, kiuj troviĝis en ekstrema mizero[2]. ATD Kvara Mondo havas sekciojn en 28 landoj en Afriko, Ameriko, Azio kaj Eŭropo.
| Joseph Wresinski | |
|---|---|
 | |
| Persona informo | |
| Naskonomo | Joseph Antoine Maurice Roland Wrzesinski |
| Naskiĝo | 12-an de februaro 1917 en Angers |
| Morto | 14-an de februaro 1988 (71-jaraĝa) en Suresnes |
| Lingvoj | franca |
| Ŝtataneco | Francio  |
| Okupo | |
| Okupo | katolika sacerdoto (1946–) aktivulo politikisto verkisto |
| TTT | |
| Retejo | https://www.joseph-wresinski.org/fr/ |
Wresinski naskiĝis en malriĉa kvartalo de Angers, Francio. Li havis poldevenan patron kaj eŭskan (hispanan) patrinon. Dum sia tuta vivo li luktis kontraŭ la meksanismoj de malriĉeco kaj ekskludo en la servo de la plej malriĉaj. En 1957 li fondis la Movadon ATD Kvara Mondo en restadejo por senhejmuloj kun kiuj li kreis bibliotekon kaj infangvatejon. Li estis la aŭtoro de la raporto pri ekstrema malriĉeco kaj ekonomia kaj socia malfirmeco (Grande pauvreté et précarité économique et sociale). Tiu ĉi raporto preparis la vojon al ampleksa laboro de homrajtaj komisionoj ĉe la UN, la Eŭropan Union kaj la Konsilion de Eŭropo.
Wresinski lanĉis la internacian tagon por la abolicio de malriĉeco kiu okazas ĉiujare la 17-an de oktobro. Poste tiu cĉ tago estis rekonita fare de la Ĝenerala Asembleo de la Unuiĝintaj Nacioj.
Projekto FONTO kiu dokumentas kaj esploras la historion de la plej malriĉuloj en Eŭropo, alprenis nomon en Esperanto (Projekto Fonto)[3][4]
La 17-an de oktobro 1987, [5] en ĉeesto de centmilo da personoj, Joseph Wresinski rivelis marmoran memorŝtonon ĉe la Homrajta Placo Trocadero en Parizo. En 1922 la Unuiĝintaj Nacioj deklaris la 17-a de oktobro kiel "Internacia Tago por la Elradiko de Malriĉeco". [6] De tiam, pli ol tridek similaj memorŝtonoj ekestis tra la mondo : de Manega, Burkina Faso, al la Eŭropa Parlamento en Bruselo kaj de Rizal Parko en Filipinoj ĝis la ĝardenoj de Unuiĝintaj Nacioj en Novjorko. Ĉiu portas la saman tekston. Memorŝtono en kvar lingvoj por la Viktimoj de Malriĉeco en la Eŭropa Parlamento tekstas i.a. jene :"Kie homoj estas kondamnataj por vivi en malriĉeco, tie la homaj rajtoj estas malobservataj. Unuiĝi por respektigi tiujn rajtojn estas sankta devo."
En multaj landoj, ĉiu 17an de oktobro, homoj kunvenas por memorfestado en honoro al ĉiuj tiuj, kiuj suferas de ekstrema malriĉeco, kaj renovigas sian devontigon kontraŭbatali malriĉecon.
(angla) ATD kvara mondo
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
