![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e1/Homo_naledi_skeletal_specimens.jpg/640px-Homo_naledi_skeletal_specimens.jpg&w=640&q=50)
Homo naledi
specio / From Wikipedia, the free encyclopedia
Homo naledi estas formortinta specio de homeno, provizore atribuita al la genro Homo. En 2013 fosiliajn skeletojn oni eltrovis en la Sud-Afrika provinco Ĥaŭtengo, en la kaverna sistemo "Rising Star" (leviĝanta stelo), kiu situas en la Monda Heredaĵo nomata la "Lulilo de la Homaro". (Naledi signifas "stelo" en la sota lingvo.) Ĝis 2015 oni trovis ostojn de almenaŭ 15 individuoj. La individuoj montras indikojn ke oni intence metis iliajn ostojn en la kavernon nelonge post la morto.
![]() | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Ostoj de Homo naledi | ||||||||||||||||||||||
Biologia klasado | ||||||||||||||||||||||
| ||||||||||||||||||||||
Homo naledi Berger et al., 2015 | ||||||||||||||||||||||
![]() | ||||||||||||||||||||||
Aliaj Vikimediaj projektoj | ||||||||||||||||||||||
![](http://upload.wikimedia.org/wikipedia/commons/thumb/a/ae/Homo_naledi_holotype_specimen_%28DH1%29.jpg/640px-Homo_naledi_holotype_specimen_%28DH1%29.jpg)
![](http://upload.wikimedia.org/wikipedia/commons/thumb/8/82/Homo_naledi_LES1_cranium.jpg/640px-Homo_naledi_LES1_cranium.jpg)
La specio estas karakterizita de korpomaso kaj staturo similaj al malgrandakorpaj nunaj homoj, de pli malgranda interna krania volumo simila al aŭstralopiteko kaj de krania formo simila al frua specio de Homo. La skeleta anatomio kombinas primitivajn trajtojn konatajn en aŭstralopitekoj kun karakterizaĵoj konataj en fruaj homenoj.
La fosilioj ankoraŭ ne estis datitaj.[1] La esplorintaj paleontologoj proponis ke la ostoj reprezentas novan specion en la genro Homo, dum aliaj fakuloj argumentas ke plua analizo estas necesa por subteni aŭ kontraŭi tiun klasifikon;[2][3] kelkaj fakuloj asertas ke la specimenoj povus esti varianto de Homo erectus.