From Wikipedia, the free encyclopedia
Henry Cabot LODGE, naskita la 12-an de majo 1850 en Bostono (Masaĉuseco), mortinta la 8-an de novembro 1924, estis usona politikisto, membro de la Respublikana Partio.
Li estis pranepo de senatano George Cabot, sed ne povis heredi ties familian nomon; tial oni donis tiun al li kvazaŭ duan antaŭnomon. Lia samnoma nepo, Henry Cabot Lodge la pli juna, ankaŭ estis politikisto kaj estis senatano por Masaĉuseco.
Li studis en la Universitato Harvard kaj estis la unua studento, kiu tie diplomiĝis pri politika scienco (en 1876). Li estis federacia deputito de 1887 al 1893 kaj senatano de 1893 ĝis sia morto. Multajn jarojn li estis estro de la senata komisiono pri eksteraj rilatoj.
En tiu posteno li forte batalis kontraŭ la propono de prezidento Woodrow Wilson, ke Usono membriĝu en Ligo de Nacioj, kiun ĝi mem proponis. En 1919 Lodge jene argumentis kontraŭ la membreco de Usono:
"Usono estas la plej bona espero de la mondo, sed se vi katenos ĝin en la interesoj kaj disputoj de aliaj nacioj, se vi implikas ĝin en la intrigoj de Eŭropo, vi detruos ĝian potencan bonon kaj eĉ endanĝerigos ĝian ekziston. Lasu ĝin marŝi libere tra la estontaj jarcentoj, kiel en la pasintaj jaroj. Forta, grandanima kaj aplomba ĝi noble servis la homaron. Zorgu, kiel vi traktu vian mirindan heredaĵon – tiun ĉi landon de orda libero. Ĉar se ni stumblos kaj falos, libero kaj civilizo ĉie ruiniĝos.
Kvankam Lodge diris tiujn ĉi frazojn en lando, kiu du jarojn antaŭe senbezone plilongigis la Unuan Mondmiliton, li sukcesis malhelpi la membriĝon de Usono en Ligo de Nacioj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.