From Wikipedia, the free encyclopedia
Goran VIŠNJIĆ (9a de Septembro 1972) estas kroat-usona aktoro kiu aperis en usonaj kaj britaj filmoj kaj televidaj produktaĵoj. Li estas plej bone konata en Usono pro siaj roloj kiel Dro. Luka Kovač en ER kaj Garcia Flynn en Timeless, ambaŭ televidserioj de NBC. Pro ER, li kaj la aktoraro estis nomumitaj por du premioj de Screen Actors Guild. Li estas la bofrato de kroata kinreĝisoro kaj iama estro de Kroata Radiotelevido (1991–95), nome Antun Vrdoljak.[1] Li translokiĝis al Usono fine de la 1990-aj jaroj.[2]
Goran Višnjić | ||
---|---|---|
![]() | ||
Persona informo | ||
Naskiĝo | 9-an de septembro 1972 (51-jaraĝa) en Šibenik | |
Etno | kroatoj vd | |
Lingvoj | kroata • angla vd | |
Ŝtataneco | Usono (2013–) Kroatio ![]() | |
Alma mater | Academy of Dramatic Art (en) ![]() ![]() | |
Familio | ||
Edz(in)o | Eva Višnjić (en) ![]() ![]() | |
Infanoj | 4 | |
Profesio | ||
Okupo | aktoro teatra aktoro televida aktoro filmaktoro ![]() | |
Aktiva dum | 1988– vd | |
vd | Fonto: Vikidatumoj | |
Višnjić estis la plej juna aktoro elektita por la titoliga rolo en la teatraĵo de Shakespeare Hamlet en la Somera Teatra Festivalo de Dubrovnik. Origine elektita kiel Laertes kaj supraĵe studinta la parton de la Princo Hamlet, li ekhavis la rolon kiam la stelulo forfalis el la produktado tuj antaŭ la premiero. Li ludis tiun rolon el 1994 ĝis 2000, kaj atingis kelkajn premiojn Orlando (simila al premioj Tony).[3] Dum epizodo de ER, li pruvis sian kapablon en la rolo de Hamlet, deklamante resumon de la monologo starta je "To be, or not to be" en kroata.[4][5]
Antaŭ ER, li havis laborpostenon en lokaj televidproduktaĵoj kaj partoprenis en reklamaĵo por biero Tuborg kiu estis elsendita en Eŭropo.[6] Višnjić havis ankaŭ malgrandajn parolrolojn en filmoj kiel The Peacemaker, Committed kaj Practical Magic. En 1998, li aperis en muzikfilmetoj de Madonna "The Power of Good-Bye", kaj havis memaperon en la filmo Rounders. Lia rolo kiel Risto, bosnia ŝoforo en Welcome to Sarajevo kondukis la tiam produktoro Jack Orman proponi al li rolon kiel doktoro por anstataŭi la forirantan George Clooney en la sesa sezono de ER fine de 1999, finfine iĝante grava maskla rolulo de la starto de la 12a sezono.[7]
Dum stelulado en ER, Višnjić laboris ankaŭ por aliaj projektoj. Li stelulis en la brita filmo Doctor Sleep (2002), kun Shirley Henderson kaj Miranda Otto. Li kunstelulis en The Deep End; faris voĉon de Soto en Ice Age, kaj stelulis en The Last Will kaj Doctor Sleep. En 2004, li stelulis en la televida serieto Spartacus kaj en la kroata filmo kaj televida serio Duga mračna noć. Li aperis kun Jennifer Garner en Elektra (2005). En 2005, Višnjić estis unu el kvar finalistoj por la rolo de James Bond, kiun finfine ricevis la brita aktoro Daniel Craig, kun kiu li aperis en The Girl with the Dragon Tattoo.[7]
En 2008, Višnjić stelulis en la filmo Helen, kun Ashley Judd[8] kiel David, nome la edzo de la rolulo de Judd, en la dramo, kiu faris sian mondan premieron en la Filmfestivalo de Sundance de 2009.[9] Li aperis kun Carla Gugino en parto de la filmo de 2009 New York, I Love You, antologio de historioj okazantaj en Novjorko. La parto de Višnjić estis reĝisorita de Andrej Zvjagincev.[10] Tiu parto estis fortranĉita el la kineja publikigo de la filmo[11] sed estis inkludita en la DVD versio.
Višnjić aperis en la historia dramo The Courageous Heart of Irena Sendler, pri juna pola virino kiu savis la vivojn de multaj judaj infanoj en la milittempa Varsovio, filmita en Riga, Latvio. Ĝi estis produktita por la serio Hallmark Hall of Fame kaj elsendita en la CBS la 19an de Aprilo 2009.[12] Li ludis rolon en sendependa filmo Beginners de la reĝisoro Mike Mills.[13] Fine de la jaro 2009, li estis elektita kiel Samson en la serieto The Deep, elsendita en BBC One en 2010.[14]
Li aperis kiel komunisto Andrija Hebrang en la historia dramo Tito de la kroata televido. Li poste aperis en la nevendita piloto de 2010 de ABC nome Boston's Finest, ludante senprestiĝigita policisto kiu laboras kun policistino por solvi krimojn dum klopodas por purigi sian nomon.[15] En 2011, li aperis en la televida serio Leverage, kiel la internacia krimulo financisto Damien Moreau, lia unua gastapero en anglalingva televida programo.[7] En 2011, li ludis la rolon de Dragan Armansky, estro de sekurecagentejo, en The Girl with the Dragon Tattoo kaj li subskribis ludi tiun rolon por la tuta filmotrilogio produktita kaj distribuita de Sony Pictures Entertainment.[16] Li aperis en kvar-epizoda arko de usona televidserio Pan Am; li ludis jugoslavian ataŝeon en Unuiĝintaj Nacioj.[7]
En 2014, Goran ludis la rolon de John Woods, edzo de kosmonaŭtino Molly Woods, en Extant, produktita de Steven Spielberg. Kvankam la serio estis renovigita fine de 2014, Višnjić lasis la serion frue en la dua sezono.[17][18] El 2016 ĝis 2018, li ludis la rolon de iama NSA-agento Garcia Flynn en privetura televidserio de NBC Timeless.[19][20][21]
En 2019, Višnjić ludis la rolon de militisto Ante Gotovina en filmo reĝisorita de Antun Vrdoljak General. Lia ludado, kun la filmo mem atingis negativajn recenzojn[22][23][24] kaj multaj kritikistoj, kiel Milivoj Jukić kaj Jurica Pavičić, nomis lian ludadon "la plej malbona en lia kariero".[25][26] La kritike kaj komerce malbonega filmo estis montrita en la Pula Kinfestivalo.[27]
Visnjic ludis la rolon de Nikola Tesla en la 12a serio de Doctor Who, aperante en la kvara epizodo, "Nikola Tesla's Night of Terror", por la unua fojo elsendita la 19an de Januaro 2020. Komence de 2020, Višnjić estis elektita kiel Grafo Drakula en la nevendita drama piloto de ABC The Brides, kiu estis verkita de Roberto Aguirre-Sacasa.[28]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.