salato konsistanta el fruktopecoj, kelkfoje en suko, siropo, aŭ alia likvo From Wikipedia, the free encyclopedia
Fruktosalato estas kutime preparita el dispecigitaj freŝaj fruktoj laŭsezonaj. Oni servas ĝin kiel deserton aŭ ĉefan pladon.
Tradicia eŭropa fruktosalato konsistas el ŝelitaj dispecigitaj pomoj, piroj, oranĝoj kaj bananoj. Sed ankaŭ vinberoj (prefere senkernaj), ananaso, mandarinoj ktp. povas esti aldonitaj. Laŭguste oni dolĉigas fruktosalaton per sukero (blanka aŭ bruna), mielo aŭ pulvorigitaj folioj de stevia. Ankaŭ sekaj fruktoj kiel rosinoj, aveloj, migdaloj ktp. estas foje aldonitaj.
Fruktosalato konserviĝas nur mallonge, eĉ en fridujo, tial oni aldonas foje citronsukon.
Ekzotaj fruktosalatoj povas enteni papajon, gujavon, mangon, kokoson, kivon, figojn ktp.
Ankaŭ beroj kiel fragoj, framboj, mirteloj aŭ rubusberoj povas esti aldonitaj.
Fruktosalato iĝas festa kiam oni aldonas glaseton de rumo, konjako aŭ likvoron. Ankaŭ eblas aldoni saŭcon el kazeo aŭ aliaj freŝaj fromaĝoj, kremo, vanilo.
Fruktosalato aĉeteblas en skatoloj; tiam ĝi entenas ĉefe pomojn, pirojn, ĉerizojn, vinberojn kaj ananason. La sukera siropo ebligas la konservadon de tia fruktosalato.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
