From Wikipedia, the free encyclopedia
Sankta Francesca Saverio Cabrini (naskiĝis la 15-an de julio 1850 en Sant'Angelo Lodigiano, mortis la 22-an de decembro 1917 en Ĉikago) estas kristana sanktulino. Ŝi estas la fondinto de la ordeno "Misiistaj fratinoj de la Sankta Koro".
Sankta | |||||
Sankta Francesca Saverio Cabrini | |||||
---|---|---|---|---|---|
sanktulino | |||||
Sankta Cabrini | |||||
Persona informo | |||||
Francesca Saverio Cabrini | |||||
Naskiĝo | 15-a de julio 1850 en Sant'Angelo Lodigiano | ||||
Morto | 22-a de decembro 1917 en Ĉikago | ||||
Mortis pro | Naturaj kialoj ![]() | ||||
Tombo | Manhatano (1933–) Kantono Ulster (1918–1933) ![]() | ||||
Religio | katolika eklezio vd | ||||
Lingvoj | itala • angla • hispana vd | ||||
Ŝtataneco | Usono (1909–1917) Reĝlando Italio (1861–1917) ![]() | ||||
Profesio | |||||
Okupo | misiisto ![]() | ||||
| |||||
Sanktulo | |||||
Honorata en | Italio, Usono kaj Katolikaj eklezioj | ||||
Kanonizo | 7-a de julio 1946, Romo de Pio la 12-a | ||||
Festotago | 22 decembro | ||||
Patroneco | Patrino de enmigrintoj | ||||
vd | Fonto: Vikidatumoj | ||||
Instigita de papo Leono la 13-a ŝi elmigris al Usono, por tie organizi karitatajn kaj religiajn iniciatojn inter la italdevenaj enmigrintoj. En 1909 ŝi ricevis la usonan civitanecon. En 1938 la katolika Eklezio beatigis ŝin kaj en 1946 ŝi estis sanktigita de papo Pio la 12-a. Ŝi estas la unua usonanino, kiu estis sanktigita.
Naskiĝinta en 1850, Sankta Francesca Saverio Cabrini estis la dektria infano de riĉa familio de kultivistoj de Lombardio. Instruistino en 1872, ŝi revis fariĝi misiistino en Ĉinio, sed neniu kongregacio akceptis ŝin pro ŝia malforta sano.
Do, ŝi decidis kun ses amikinoj fondi en 1880 propran kongregacion, la "Misiistaj fratinoj de la Sankta Koro". Tamen papo Leono la 13-a ne permesis al ŝi iri en Ĉinion, kaj komisiis al ŝi instaliĝi en Usonon por helpi tie italajn enmigrintojn.
Ŝi kreis en 1914, en Noisy-le-Grand (Francio), orfejon destinitan akcepti la junulinojn de italaj enmigrintoj. Tiu orfejo hodiaŭ fariĝis liceo, nome "Lycée Françoise Cabrini". Alia parto de la bieno estis destinita al la konstruo de kadukulejo.
Ŝi do obeis, kaj fondis en Usono hospitalojn, kuracejojn, lernejojn kaj religiajn komunumojn. Ŝi ricevis usonan civitanecon en 1909, kaj mortis en Ĉikago en 1917, elĉerpita pro senĉesa aktivado, postlasante tridek domojn en ok landoj. Ŝia korpo ripozas en Novjorko en tombejo ĉe la 196-a strato.
La "Patrino de enmigrintoj" estis kanonizita de papo Pio la 12-a la 7-an de julio 1946; unua sanktulino de Usono.
La Hospitaloj "Hôpital Santa Cabrini" en Montrealo kaj "Cabrini Medical Center" en Novjorko estis nomitaj honore al ŝi.
La festotago de Sankta Cabrini estas la 22-a de decembro.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.