![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/Greek_Eros_vase.png/640px-Greek_Eros_vase.png&w=640&q=50)
Eŭrinomo
From Wikipedia, the free encyclopedia
Laŭ la helena mitologio, Eŭrinomo (el greka Εὐρυνόμη, vasta regado) estis unu el la oceanidinoj, do filino de Oceano kaj Tetiso. Ŝi estis patrino, kun Zeŭso, de la tri Gracioj[1] kaj, laŭ kelkaj versioj, ankaŭ de la rivera-dio Asopo[2].
![Thumb image](http://upload.wikimedia.org/wikipedia/commons/thumb/6/64/Greek_Eros_vase.png/320px-Greek_Eros_vase.png)
Eŭrinomo | |
---|---|
![]() | |
Oceanidino • akva dio | |
Informoj | |
Eble sama | Eurynome |
Sekso | ina |
Patro | Oceano |
Patrino | Tetiso |
Edzo/Edzino | Ofiono |
Kunulo | Zeŭso |
Infanoj | Eŭfrozino • Thalia • Aglajo • Gracioj • Asopo |
Aldone, Boecio kaj aliaj verkistoj[3] rakontas alternativan version pri Eŭrinomo: laŭ ili ŝi estis la edzino de Ofiono kaj regis kun li sur la titanoj, antaŭ la epoko de Krono. Kiam tiu lasta ribeliĝis kontraŭ sia patro, Eŭrinomo estis venkita de Reo kaj malliberigita por ĉiam en Tartaro aŭ en la mar-fundo. Tiuflanke, oni konsideras ŝin unu el la plej antikvaj bazaj diinoj de la neolitika Grekio, ĉefrolulino en la pelasga mito pri kreado. Ŝia ĉefa sanktejo troviĝis ĉe la kunfluejo de la riveroj Nedo kaj Limakso, en Peloponezo, kie oni prezentis ŝin sireno-forme. Estis la esploristo Paŭzanio tiu, kiu identigis ŝin al la oceanidino, filino de la Oceano, laŭ la greka poezio.