Darma tago
From Wikipedia, the free encyclopedia
Darma tago estas Teravada festo celebrita la plenlunan tagon de la monato Aŝado[noto 1] en Srilanko, Bangladeŝo, Birmo, Tajlando,[1] Laoso, Kamboĝo kaj aliaj landoj kun Teravadanoj. Ĝi estas unu el la plej gravaj Teravadaj festoj, ĉar ĝi festas la unuan predikon de la budho Gotamo, per kiu li eksplikis al siaj kvin ŝramanaj ekskamaradoj kion li malkovris kiam li atingis budhecon.
| Darma tago | |
|---|---|
| Tradukoj de आसाळ्हपूजा (Āsāḷha pūjā) | |
| Esperante | Darma tago |
| Palie | आसाळ्हपूजा (Āsāḷha pūjā) |
| Sinhale | Esala Poya |
| Taje | อาสาฬหบูชา (Asanha Bucha)[1] |
 Terminaro de Budhismo | |
La prediko okazis en la cervoparko de Sarnato post lia atingo de budhieco kaj la sutro kiu rakontas pri ĝi estas la Sutro de la ekturno de la darmorado (Dhammacakka-ppavattana-sutta),[2] unu el la plej gravaj sutroj en budhismo.[3] Ĝia ĉefa temo estas la kvar veroj de la arahantoj[4][5] (cattāri-ariya-saccāni), formulo[6] pri la baza orientiĝo de la instruoj de la budho:[7] la veroj de sufero, kaŭzo, ĉeso kaj metodo.[8][5] Ĉi tiu sutro ankaŭ parolas pri la meza vojo, neĉiameco kaj dependa ekesto.
La tago estas celebrita per oferado al bikŝuejoj kaj aŭskultado de predikoj. La venonta tago estas la unua tago de pluvrifuĝo. En la taja, tiu tago nomiĝas Wan Khao Phansa (วันเข้าพรรษา).
Vidu ankaŭ
Notoj
- Ĉirkaŭ Julio.
Referencoj
Wikiwand - on
Seamless Wikipedia browsing. On steroids.