From Wikipedia, the free encyclopedia
Afrikaj blankuloj (aŭ malpli kutime Eŭropafrikanoj[1] en simila stilo al terminoj kiaj Afrik-usonanoj aŭ Franc-kanadanoj) estas homoj de origino el Eŭropo kiu loĝas en, aŭ devenas el, Afriko kiuj identiĝas kiel blankuloj.
En 1989, estis laŭtakse proksimume 4.6 milionoj da afrikanoj de eŭropa deveno sur la kontinento.[2] La plej granda parto estas de nederlanda, brita, portugala, germana, franca, kaj laŭ pli malgranda mezuro, itala, hispana, greka, juda, aŭ irlanda devenoj. La plimulto siatempe vivis laŭ la mediteranea marbordo, en Sudafriko, aŭ en Zimbabvo.[2]
La plej fruaj permanentaj eŭropaj komunumoj en subsahara Afriko estis formitaj ĉe la Bonespera Kabo;[3] Luando, en Angolo, Santomeo; kaj Santiago, Kaboverdo[4] pro la enkonduko de portugalaj kaj nederlandaj komercistoj aŭ armeaj personaroj. Aliaj grupoj de setlantoj ekaperis kiam Francio kaj Britio koloniigis Afrikon. Antaŭ regiona malkoloniigado, blankaj afrikanoj eble nombris ĝis 6 milionojn da personoj [5] kaj estis reprezentitaj en ĉiu parto de la kontinento, precipe Sudafriko, Sudokcidenta Afriko, Alĝerio, Angolo, Kenjo, kaj Suda Rodezio.
Libervola elirado de kolonianoj akompanis la plej multajn afrikajn naciojn post sendependeco.[6] Kelkaj, kiaj la belgoj en Burundo, estis evidente forpelitaj fare de post-koloniaj registaroj.[7] Portugalaj mozambikanoj, kiu nombris proksimume 200,000 en 1975,[8] foriris amase pro ekonomia politiko direktita kontraŭ ilia riĉaĵo;[9] ili nun estas pli malmultaj ol 50,000.[10] En Zimbabvo, blanka forflugo estis spronita per agresema agrarreforma programo lanĉita fare de prezidanto Robert Mugabe kaj la rezulta ekonomia misfortuno.[4]
La afrika lando kun la plej granda loĝantaro de eŭropa deveno kaj nombre kaj proporcie estas Sudafriko, de ĉirkaŭ 4.6 milionoj da personoj (9.2% de la tuta loĝantaro).[11] Kvankam Afrikaj blankuloj jam ne havas la ekskluzivan regadon de kelkaj landoj, ili daŭre tenas grandan parton de la ekonomio kaj de la tereno en specifaj landoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.