From Wikipedia, the free encyclopedia
Bhalchandra Vanaji NEMADE ([balĉandra vanaĝi nemade], nagarie: भालचंद्र वनाजी नेमाडे) (n. 1938) estas marata romanisto, poeto, kritikisto, kaj edukisto el Maharaŝtro, en Barato. Li gajnis la beletran premion Gjanpith de la barata registaro en 2014.[1]
| Bhalchandra Nemade | |||||
|---|---|---|---|---|---|
 | |||||
| Persona informo | |||||
| Naskiĝo | 27-an de majo 1938 (86-jaraĝa) en Maharaŝtro | ||||
| Lingvoj | marata vd | ||||
| Ŝtataneco | Dominio de Barato (1947–) Brita Raĝo Barato  vd | ||||
| Alma mater | Fergusson College (en)  vd | ||||
| Profesio | |||||
| Okupo | poeto verkisto vd | ||||
| Verkado | |||||
| Verkoj | Kosala vd | ||||
| |||||
| vd | Fonto: Vikidatumoj | ||||
Li studis la lingvistikon kaj la anglan literaturon. Li instruis la anglan, la maratan, la komparan literatursciencon, kaj la antropologion en diversaj universitatoj en Barato kaj eksterlande. Li emeritiĝis de la Universitato de Mumbajo.
Lia plej konata romano estas Kosala (La pupo) (1963). Ĝi estas fikcia aŭtobiografio: "[La ĉefrolulo] preskaŭ similas al mi, kaj multaj vilaĝaj knaboj spertas tian ĉi duon-frustriĝon, duon-degeneron, kaj aparte la moderniĝon, kiun mi ĉiam egaligas al la perdo de la kulturo", li diris en intervjuo (anglalingva) en 2010.[2] La romano estis tradukita en plurajn aliajn lingvojn. En 2010 aperis Hindu (2010), la unua parto de romankvaropo kies imago rangas ĝis la Induso-civilizacio.
Kiel literatura teoriisto, Nemade forte subtenas la kultivadon de la propraj lingvo kaj kulturo, kaj kontraŭas la tutmondiĝon[3]: "Ni devas esti diversaj kaj pluralaj ĉar nia kulturo estas diversa kaj plurala. Jen la etoso kiun mi klopodas evoluigi".[2]
Li ankaŭ estas forta subtenanto de la gepatralingva edukado.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
