![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Vidraru_Lake.jpg/640px-Vidraru_Lake.jpg&w=640&q=50)
Argeș (rivero)
From Wikipedia, the free encyclopedia
Argeș [arĝeŝ] estas rivero en la suda Rumanio, maldekstra alfluanto de Danubo. Ĝi ekestas el du fontaj riveroj, Buda kaj Capra, kiuj fontas en la Făgăraș-montaro, kaj enfluas okcidente de Oltenița en Danubon.
![Temas pri...](http://upload.wikimedia.org/wikipedia/commons/thumb/7/72/Disambig.svg/20px-Disambig.svg.png)
Argeș | |
---|---|
![]() Lago Vidraru | |
rivero | |
Bazaj informoj | |
Situo | suda Rumanio |
Longeco | 350 km |
Akvokolekta areo | 12 550 km²[1] |
Averaĝa trafluo | 73 m³/s |
Fluo | |
Fonto | en la Făgăraș-montaro (Buda/Capra) |
- Alteco super marnivelo | 2 030 m |
- Koordinatoj ![]() |
45° 21′ 53″ N, 24° 37′ 49″ O (mapo)45.36469444444424.630388888889 |
Enfluejo | Danubo ĉe Oltenița |
- Koordinatoj ![]() |
44° 3′ 31″ N, 26° 37′ 1″ O (mapo)44.05869444444426.616888888889 |
Altecodiferenco | 1 594 m |
Geografio | |
Trairataj urboj | Curtea de Argeș, Pitești |
La kunfluejo de Buda kaj Capra nun situas en la baraĵlago Vidraru, el kiu elfluas Argeș.
La rivero trairas la distriktojn Argeș, Dâmbovița, Ilfov, Giurgiu kaj Călărași. Ĝi de maldekstre kaptas la akvon de la suda flanko de la Orientaj Karpatoj. Rezulte la akvo alfluanta de maldekstre estas la sesoblo de tiu de la dekstra flanko.[1]
La valo de la rivero estas grava trafika vojo, kiun sekvas interalie la eŭropa vojo E81, de Pitești ĝis mallonge antaŭ Bukareŝto.
Ĉirkaŭ 20 km de Bukareŝto la rivero formas la baraĵlagon Mihăilești, 8 km longan. Ĝi larĝas ĝis tri kilometrojn kaj estas ĝis 22 metrojn profunda.