kongreso de Sennacieca Asocio Tutmonda From Wikipedia, the free encyclopedia
La 88-a Kongreso de Sennacieca Asocio Tutmonda (SAT) okazis en Nitra, Slovakio, inter la 8-a kaj la 15-a de aŭgusto 2015. Ankaŭ la 77-a Kongreso de SAT jam okazis en Slovakio, nome en 2004 en Bratislavo. Aliĝis 64 personoj.[1]
| 88-a SAT-Kongreso 2015 | ||
|---|---|---|
| Loko | Nitro,  Slovakio | |
| Ekde | 8-a de aŭgusto 2015 | |
| Ĝis | 15-a de aŭgusto 2015 | |
| Organizanto | E@I, Sennacieca Asocio Tutmonda, Slovakia Esperanta Federacio | |
| Oficiala retejo | sat | |
| ← Antaŭa | Sekva → | |
Por la 88-a SAT-Kongreso kuniĝis organizantoj de SAT, SKEF, kaj Edukado@Interreto. Surloka ĉefa organizanto estis Peter Baláž.
La kongresejo estis la universitata studenthejmo “Antona Bernoláka” en la Universitata Areo, nome Tr. A. Hlinku 38.
La 88n SAT-kongreson organizis:[2]
Kiel kutime ĉe SAT-kongresoj okazis ĝeneralaj kunsidoj de la asocio (malfermaj al ĉiuj kongresanoj), klerigaj prelegoj, sociaj forumoj pri aktualaj temoj, libroservo, distraj programeroj inter kiuj interkona, nacia kaj internacia vesperoj. Oni prezentis librojn ĵus eldonitajn, oni rigardis filmojn (Civitano 4, pri spionado fare de usonaj spionservoj, kaj Ni ne plu vivu kiel sklavoj pri situacio en Grekio) kaj oni festumis. Vespere okazis kulturaj programoj kaj oni organizis tri ekskursojn (vidu sube).
Okazis programeroj pri Vikipedio, Sennaciulo, Usono, Argentino, Grekio, Mezoriento, Orienta Azio, robotoj, E@I, fungoj, ŝovinismo, ktp.
Dum tiu SAT-kongreso ludis kaj amuzis la kongresanaron la jenaj artistoj:
La unua duontaga ekskurso okazis piede kaj trajnete tra la urbo kaj kastelo de Nitra la 9-an de aŭgusto. Nitra estas la plej malnova urbo de Slovakio, kiun kronikoj mencias jam en la 9-a jarcento. La unua skriba mencio devenas el 880, kiam Nitra estis episkopejo de Grandmoravia Regno. Nitra estas urbo de eksterordinara historia graveco. Komencoj de ĝia prisetlado estas en pratempo, kiel tion pruvas la arkeologiaj trovitaĵoj sur la urbo-tereno. Jam antaŭ 30 mil jaroj ĝi estis dense loĝigita areo. Areo de la nuna Nitra estis grava loko de Keltoj (jam kelkajn jarcentojn antaŭ Kristo), pli poste de Ĝermanoj kaj fine Slavoj. Ĝi estis sidejo de unuaj konataj regantoj de la nuntempa regiono de Slovakio – germanaj triboj "Kvadoj" (ĉ. j. 396 p.K.) kaj ekde la 8-a jarcento ĝis 1108 sidejo de la Nitra-princlando. La plej fama historia memoraĵo kaj dominanto de la urbo estas kastelo el la 11-a jarcento, en la 15-a jarcento rekonstruita kaj ankoraŭ ŝanĝata en la epoko de baroko. La kastelo estis konstruita sur la loko de la slava setlejo de la 9-a jarcento. Ĝi estas nacia kultura heredaĵo. Hodiaŭ ĝi estas sidejo de la arkeologia departemento de SAV (Slovaka Akademio de Sciencoj) kaj de episkopo. Viziteblaj estas nur la katedralo kaj la dioceza muzeo.
La tuttaga ekskurso okazis la 11-an de Aŭgusto al urbo Banská Štiavnica, kiu estas historia urbo en meza Slovakio, kun tre multkultura pasinteco. Ĝi estas konata per minado de metaloj (ĉefe de arĝento), per gravaj minejaj juro, administracio kaj akademia tradicio. Oni spertis malsupreniron en subteran minejon ĉe Subĉiela Minmuzeo, kun ĉiu ekskursanto ekipita per kasko, lampo kaj mantelo. Krom tagmanĝo en pensiono oni trarigardis la Malnovan Kastelon, vizitis mineralogian ekspozicion, vendejojn kaj slovakiajn belartaĵojn. La urbo mem estas enskribita en la Unesko-listo de kulturaj heredaĵoj.
La dua duontaga ekskurso okazis la 13-an de aŭgusto al urbo Topoľčianky kun multaj vidindaĵoj. La unua skrib-notita mencio pri la setlejo estas el la jaro 1293. Tamen jam en la 6-a kaj 7-a jarcento ĉi tie loĝis slavoj. La ekskurso vizitis vin-produktejon Topoľčianky kiu produktas 5 milionojn da litroj de vino jare, kaj per tio ĝi estas unu el la plej grandaj vinfarantoj en Slovakio. Alia vizitindaĵo estis burgo el la 15-a jarcento: ekde la jaro 1890 la posedaĵon aĉetis Habsburga familio, kiu posedis ĝin ĝis la disfalo de la monarkio. Jozefo Aŭgusto Habsburga tre ekŝatis la lokon, riĉigis la ekipaĵon de la burgo, grandigis la parkon, fondis la ĉevalejon kaj ĉeval-bredejon kaj la ĉasistan kastelon. Post la disfalo de monarkio la kastelon aĉetis registaro de Ĉeĥoslovakio kaj ĝi iĝis somera sidejo de prezidentoj de ČSR. Regule ĉi tie estadis ĉefe prezidento Tomáš Garrigue Masaryk. La kastelo estas nacia kultura heredaĵo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
