From Wikipedia, the free encyclopedia
C'l artìcol chè 'l è scrit in Carpśàn |
Al didêl 'l è cal strumèint cìc a forma 'd cuaciadùra 'd dî dla màṅ, ch'a s mèt in sim'a 'l dî médi o a 'l ìndes in dal mèinter ch'a s cuśìs p'r ann pùnś'r-es quand a s cùcia la gùcia per soquànt tèimp.
A s sà dai schêv dl'archiulugìa che cal dòni i druèven bèle di strumèint dal gèner anch in dal Neolìtic, mo però cùma dal piastri, i éren pinsê per difènder più che i dî, al pel'm edla màṅ, in dû in di fât, i batìven cal gùci gròsi 'd chi tèimp luntàṅ là. Al didêl c'm'al cgnusòm incō al s taca a catèr in dla Cina e a Pompei du sècol prima 'd Crist. 'D lung ai sécol ch'i gnaràn dôp, al dvintarà anca più pratic e alśér, mo però anca decorê e presiōś se la cuśdóra la s al psiva permèter. Cun la fabricasiòun industrièla ch'a vgnarà dôp, al didêl al dvintarà 'n atrès custruî in séri e facil da catèr in di negósi.
«Dôp 'd avér tolt sù i maròun e maśnèda la só farèina, la nóna la in impinìva i didē e la i mitìva a rustìr in sìm'a la stùa, che dôp a s i srèv arbaltê e tolt fóra di dulsèin ala farèina rustìda p'r i putèin ed cà»[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.