Płod (łatyńskifructus) rostliny jo kwiśonka w stawje semjenjoweje zdrjałosći. Pó drugej definiciji jo rostlinski organ, kótaryž z kwiśonki wuchada a semjenja až do zdrjałosći chowa.
Mimo płodnika teke druge źěle kwiśonki a kwiśonkowego stołka se mógu pśi wutwarje płoda wobźělowaś, kaž na pś. kwiśonkowa wóska, keluch. Płod słužy rozpśestrěwanju.
Płod wobstoj z jadnogo abo wšakich semjenjow, kótarež su wót płodoweje sćěny (perikarp) wobdane. Pśi perikarpje pak se rozeznawaju tśi warsty:
Eksokarp – zwenkowna warsta
Mezokarp – srjejźna warsta
Endokarp – nutśikowna warsta
Pśi rjaschenje na pšawem wobrazu na pś. twóri endokarp twardu packu, kótaraž semje wobśimjejo. Mezokarp jo měsny, a eksokarp twóri somotowu rjaschenowu kóžu.
Perikarp se za cas procesu zdrjawjenja płoda z płodnikakwiśonki twóri. Za rozrědowanje płodow jo wažne, se dopominaś, až płodnik z jadnogo abo wšakich ze sobu zrosćonych płodowych łopjeńkow (karpele) wobstoj.
Płody se góźe do tśich kupkow rozrědowaś.
jadnotliwe płody
kompleksne płody
płodnistwa (płodowe wězby)
Jadnotliwe płody
Z jadneje kwiśonki wuchada jano jadnotliwy płod.
Sypjuce płody
Toś ten płod jo wjelesemjenjowy a se pśi zdrjałosći wótwěra a pótom semjenja rozsypujo.
Měchowy płod wobstoj z jadnogo płodowego łopjeńka. Wón se jano na jadnej pódłujkostnej liniji wótwěra. Na pś. hsb:črijki (Aconitum), hsb:pólny wotrožnik (Consolida regalis)
Łušćinowy płod jo suchy płod, kótaryž wobstoj z jadnogo płodowego łopjeńka a se na prědnem a slěznem boku wótwěra. Na pś. grochowka (Pisum sativum), žołta akacija (Laburnum), chóšć (Cytisus scoparius)
Kapslowy płod jo suchy płod, kótaryž wobstoj z dweju až wšakich płodowych łopjeńkow. Wón pśez rozpukliny abo pory wótwěra. Na pś. jěrow (Aesculus hippocastanum), mak (Papaver)