Sierôm

Sant ac awdur Cristnogol oedd Sant Sierôm, Groeg: Ευσέβιος Σωφρόνιος Ιερώνυμος, Lladin: Eusebius Sophronius Hieronymus (tua 347 – 30 Medi 420). Mae'n fwyaf adnabyddus fel cyfieithydd y Beibl o'r Groeg a Hebraeg i'r Lladin. Cyfieithiad Sierôm yw'r Fwlgat, sy'n parhau i gael ei ddefnyddio.

Sierôm
Ganwyd	c. 345  Stridon, Dalmatia
Bedyddiwyd	366
Bu farw	c. 30 Medi 420, 419  Bethlehem
Dinasyddiaeth	Rhufain hynafol
Galwedigaeth	clerig, diwinydd, hanesydd, diffynnydd, cyfieithydd y Beibl, ancr, bardd, llenor, ysgolor beiblaidd, cyfieithydd, Doethur yr Eglwys, Tadau'r Eglwys
Swydd	ysgrifennydd
Cysylltir gyda	monastic
Adnabyddus am	Y Fwlgat, De viris illustribus, Chronicon
Prif ddylanwad	mynachaeth
Dydd gŵyl	30 Medi, 15 Mehefin, 30 Medi, 30 Medi

Ganed ef tua 347 yn Strido, ar y ffin rhwng Pannonia a Dalmatia. Aeth i Rufain gyda'i gyfaill Bonosus i astudio rhethreg ac athroniaeth. Wedi rhai blynyddoedd yma aeth ef a Bonosus ymlaen i Gâl. Tua 373 aeth ar daith trwy Thrace ac Asia Leiaf i ogledd Syria. Cymerwyd ef yn ddifrifol wael yn Antioch, a chafodd weledigaeth a'i perswadiodd i ymroi i grefydd.

Ordeiniwyd ef yn Antioch gan yr Esgob Paulinus tua 378 neu 379, ac aeth i Gaergystennin i astudio dan Gregory Nazianzen. Wedi dwy flynedd yma, dychwelodd i Rufain lle bu'n cynorthwyo'r Pab Damaseus I. Dychwelodd i Antioch yn 385 ac aeth ymlaen i ymweld â Jerusalem, Bethlehem a Galilea, yna ymlaen i'r Aifft. O 388 ymlaen, treuliodd y gweddill o'i fywyd fel meudwy gerllaw Bethlehem.

Yng Nghymru, rhoddodd ei enw i o leiaf tair eglwys Gristnogol - a phob un o'r dair mewn pentref o'r enw "Llangwm":

• Llangwm, Sir Conwy
• Llangwm, Sir Benfro
• Llan-gwm, Sir Fynwy