John Owen Williams

Bardd Cymraeg a Gweinidog yr Efengyl oedd John Owen Williams; enw barddol Pedrog (20 Mai 1853 – 9 Gorffennaf 1932).

John Owen Williams
Ffugenw	Pedrog
Ganwyd	21 Mai 1853
Bu farw	9 Gorffennaf 1932
Galwedigaeth	bardd

Bywgraffiad

Ganed ef yn y Gatws, Madryn, yn yr hen Sir Gaernarfon. Collodd ei rieni pan oedd yn ieuanc, a magwyd ef gan ei fodryb yn Llanbedrog. Gadawodd yr ysgol yn 12 oed, a bu'n brentis garddwr, cyn symud i Lerpwl yn 1876 i weithio mewn masnachdy. Ordeiniwyd ef yn weinidog gyda'r Annibynwyr yn 1884, a bu'n weinidog eglwys Kensington, Lerpwl, ahyd 1930. Bu'n gadeirydd Undeb yr Annibynwyr Cymraeg, ac yn olygydd Y Dysgedydd o 1922 hyd 1925.

Enillodd y Gadair yn Eisteddfod Genedlaethol Abertawe 1891, Llanelli 1895 a Lerpwl 1900. Bu'n Archdderwydd o 1928 hyd 1932.

• 
  Pedrog gyda chyfeillion, tua 1885
• 
  Ar gadair eisteddfodol
• 
  Gyda Rowland Williams

Cyfeiriadau