meddyg a chwaraewr rygbi o Gymru From Wikipedia, the free encyclopedia
Chwaraewr rygbi'r undeb o Gymro yw Jamie Roberts (ganed 8 Tachwedd 1986). Roedd yn chwarae fel canolwr fel arfer, ond gall hefyd chwarae fel cefnwr ac asgellwr.
 | |||
| Enw llawn | Dr. Jamie Huw Roberts | ||
|---|---|---|---|
| Dyddiad geni | 8 Tachwedd 1986 | ||
| Man geni | Casnewydd, Cymru | ||
| Taldra | 1.93 m | ||
| Pwysau | 110 kg | ||
| Prifysgol | Prifysgol Caerdydd | ||
| Gwaith | Chwaraewr rygbi'r undeb, Meddyg | ||
Ganed ef yng Nghasnewydd, ac addysgwyd ef yn Ysgol Gyfun Gymraeg Glantaf. Yn 2013, graddiodd Jamie Roberts mewn meddygaeth o Brifysgol Caerdydd[1].
Chwaraeodd ei gêm gyntaf dros Gymru fel asgellwr yn erbyn yr Alban yn Stadiwm y Mileniwm ar 9 Chwefror 2008. Yn ddiweddarach, symudwyd ef i chwarae fel canolwr, ac yn y safle yma dyfarnwyd ef yn chwaraewr gorau'r gêm rhwng Cymru a'r Alban ar 8 Chwefror 2009. Enillodd 94 o gapiau dros Gymru rhwng 2008 a 2017 a 3 dros Y Llewod ar eu teithiau yn 2009 a 2013.
O 2005 ymlaen, chwaraeodd Roberts dros Glwb Rygbi Caerdydd, Gleision Caerdydd, Racing Métro, Prifysgol Caergrawnt, Harlequins, Caerfaddon, y Stormers a'r Dreigiau a'r Waratahs yn Awstralia. Cyhoeddodd ei ymddeoliad o rygbi proffesiynol yn Gorffennaf 2022.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
