Conwy (tref)

Tref a chymuned ym mwrdeistref sirol Conwy, Cymru, yw Conwy.^[1][2] (Fe'i hadwaenir yn draddodiadol yn Saesneg fel Conway.) Roedd cynt yng Ngwynedd a Sir Gaernarfon cyn hynny. Mae'n enwog fel tref gaerog, am ei chastell, ac am y pontydd ar draws Afon Conwy. Mae ganddi boblogaeth o tua 14,208, sydd hefyd yn cynnwys Deganwy a Chyffordd Llandudno. Mae'n un o brif atyniadau twristaidd Gogledd Cymru.

Conwy

Math	tref, fortified town
Poblogaeth	15,700
Sefydlwyd	1283
Daearyddiaeth
Sir	Conwy
Gwlad	Cymru
Gerllaw	Afon Conwy
Cyfesurynnau	53.28°N 3.83°W
Cod SYG	W04000902
Cod OS	SH775775
Gwleidyddiaeth
AS/au Cymru	Janet Finch-Saunders (Ceidwadwyr)
AS/au y DU	Claire Hughes (Llafur)
Ffeiliau perthnasol ar Comin

Daearyddiaeth

Saif y dref ar lan orllewinol Afon Conwy, gan wynebu Deganwy, sydd ar ochr arall yr afon.

Hanes

Codwyd y castell a'r waliau gan Edward I, brenin Lloegr, rhwng 1283 a 1289. Fe'u gosodwyd ar restr Safleoedd Treftadaeth y Byd UNESCO yn 1986, fel rhan o'r safle Cestyll a Muriau Trefi'r Brenin Edward yng Ngwynedd.^[3] Yma hefyd y safai Mynachdy Aberconwy, a sefydlwyd gan Llywelyn Fawr.

Ers dros 700 mlynedd, cynhelir Ffair Fêl Conwy ar strydoedd y dref ar 15 Medi bob blwyddyn.

Adeiladau

• Bodysgallen
• Castell Conwy
• Plas Mawr
• Y Tŷ Lleiaf yng ngwledydd Prydain
• Tŷ Aberconwy

Atyniadau yn y cylch

• Morfa Conwy - morfa a thraeth
• Caer Seion - bryngaer
• Gyffin - pentref hanesyddol

Cludiant

Mae gan Conwy orsaf ar Reilffordd Arfordir Gogledd Cymru sy'n ei chysylltu â Chaergybi a Chaer.

Rhed nifer o wasanaethau bysiau rhwng Conwy a threfi a phentrefi Dyffryn Conwy ac ardaloedd eraill. Mae ar brif lwybr bws arfordir Gogledd Cymru yn ogystal.

Cyfrifiad 2011

Yng nghyfrifiad 2011 roedd y sefyllfa fel a ganlyn:^[4][5][6][7]

Cyfrifiad 2011
Poblogaeth cymuned Conwy (tref) (pob oed) (14,723)			100%
Y nifer dros 3 oed sy'n siarad Cymraeg (Conwy (tref)) (3,901)			27.3%
:Y ganran drwy Gymru			19%
Y nifer sydd wedi'u geni yng Nghymru (Conwy (tref)) (8559)			58.1%
:Y ganran drwy Gymru			73%
Y nifer mewn gwaith rhwng 16 a 74 oed(Conwy (tref)) (2,686)			40.6%
:Y ganran drwy Gymru			67.1%

Oriel

• 
  Ffotograff o tua 1885
• 
  Golygfa fodern o'r dref
• 
  Yr harbwr