Sustem safleoedd ar gyfer timau pêl-droed dynion ar lefel cenedlaethol yw Safleoedd y Byd FIFA. Fe drefnir safleoedd y timau sy'n aelodau o genhedloedd FIFA - corff rheoleiddio pêl-droed y Byd - yn seliedig ar ganlyniadau eu gemau, gyda'r timau mwyaf llwyddiannus yn cyrraedd y safleoedd uchaf. Cyflwynwyd y sustem ym mis Rhagfyr 1992, ac y mae saith tîm (Yr Almaen, Yr Ariannin, Brasil, Yr Eidal, Ffrainc, Yr Iseldiroedd a Sbaen) wedi treulio amser ar frîg y rhestr. O'r rhain, Brasil sydd wedi treulio'r amser hiraf yn y safle uchaf. Ar hyn o bryd, Yr Ariannin sydd yn y safle 1af yn Safleoedd y Byd FIFA[2]. Llwyddodd Cymru i gyrraedd y deg uchaf yn Safleoedd y Byd FIFA am y tro cyntaf pan gyrrhaeddasant y 10fed safle yn y Byd ar 9fed Gorffennaf 2015[3].
 | |||
| Y 20 Safle Uchaf ar 1 Hydref 2015[1] | |||
| Safle | Tîm | Pwyntiau | |
|---|---|---|---|
| 1 |  Yr Ariannin | 1419 | |
| 2 |  Yr Almaen | 1401 | |
| 3 |  Gwlad Belg | 1387 | |
| 4 |  Portiwgal | 1235 | |
| 5 |  Colombia | 1228 | |
| 6 |  Sbaen | 1223 | |
| 7 |  Brasil | 1204 | |
| 8 |  Cymru | 1195 | |
| 9 |  Chile | 1177 | |
| 10 |  Lloegr | 1161 | |
| 11 |  Awstria | 1100 | |
| 12 |  Y Swistir | 1044 | |
| 13 |  Rwmania | 1042 | |
| 14 |  Yr Iseldiroedd | 1004 | |
| 15 |  Y Weriniaeth Tsiec | 983 | |
| 16 |  Croatia | 965 | |
| 17 |  yr Eidal | 962 | |
| 18 |  Slofacia | 936 | |
| 19 |  Algeria | 927 | |
| 20 |  Wrwgwái | 919 | |
| Rhestr Safleoedd Cyflawn ar Fifa.com Archifwyd 2014-10-30 yn y Peiriant Wayback | |||
Ar 3 Medi 2015, fe gododd Cymru yn uwch na thîm pêl-droed cenedlaethol Lloegr yn rhestr safleoedd FIFA am y tro cyntaf[4].
Ar 1 Hydref 2015, cododd Tîm pêl-droed cenedlaethol Cymru i'w safle uchaf erioed ar restr detholion y Byd pan gyrhaeddasant yr 8fed safle.[5][6]
Dull cyfrifo cyfredol
Ystyrir y ffactorau canlynol tra'n cyfrifo pwyntiau pob tîm a ddefnyddir i briodoli safle'r timau[7].:
- Canlyniad gêm
- Statws gêm
- Cryfder gwrthwynebwyr
- Cryfder rhanbarthol
Mae sgor tîm yn cael ei gyfrifo o gyfartaledd y pwyntiau a enillwyd dros gyfnod o flwyddyn calendr, gyda chanlyniadau gemau dros y bedair mlynedd flaenorol yn cael eu hystyried, a'r pwyslais mwyaf yn cael ei roi ar y canlyniadau mwyaf diweddar.
Cyfeiriadau
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
