![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Fraxinus_ornus_-_K%25C3%25B6hler%25E2%2580%2593s_Medizinal-Pflanzen-062.jpg/640px-Fraxinus_ornus_-_K%25C3%25B6hler%25E2%2580%2593s_Medizinal-Pflanzen-062.jpg&w=640&q=50)
Onnen
Coeden braff a chyffredin sy'n bwrw cysgod ysgafn ar y ddaear odditani. / From Wikipedia, the free encyclopedia
Coeden sy'n perthyn i'r genws Fraxinus o'r teulu Oleaceae (teulu'r olewydd a'r lelog) yw onnen (ll. ynn; Saesneg: ash). Ceir cryn nifer o rywogaethau yn y genws hwn yn enwedig yng Ngogledd America, Ewrop ac Asia. Maent yn goed mawr neu gweddol fawr. Yr onnen gyffredin yng Nghymru yw'r Onnen Ewropeaidd, Fraxinus excelsior. Mae'r rhan fwyaf o rywogaethau Fraxinus yn ddeuoecaidd sy'n golygu bod y blodau gwrywaidd a'r blodau benywaidd ar blanhigion gwahanol.
Onnen | |
---|---|
![]() | |
Fraxinus ornus | |
Dosbarthiad gwyddonol | |
Teyrnas: | Plantae |
Ddim wedi'i restru: | Angiosbermau |
Ddim wedi'i restru: | Ewdicotau |
Ddim wedi'i restru: | Asteridau |
Urdd: | Lamiales |
Teulu: | Oleaceae |
Llwyth: | Oleeae |
Genws: | Fraxinus L.[1] |
Rhywogaethau | |
Tua 45–65 |
Mae'r dail gyferbyn â'i gilydd ac mae'n goeden hawdd ei hadnabod yn yr hydref, oherwydd yr 'hadau hofrennydd' sy'n disgyn ohoni. Ffrwyth ydy'r hedyn hwn, yn wyddonol, a elwir yn samara. Nid yw'r gerddinen yn perthyn i'r Fraxinus, er fod y dail a'r egin yn edrych yn union yr un peth, eithr mae'n perthyn i'r genws Sorbus.
![Thumb image](http://upload.wikimedia.org/wikipedia/commons/thumb/7/7c/EurAshSeeds.jpg/640px-EurAshSeeds.jpg)