Planhigyn

Planhigion
Dosbarthiad gwyddonol
Parth:	Eukaryota
Ddim wedi'i restru:	Archaeplastida
Teyrnas:	Plantae; Haeckel, 1866
Rhaniadau/Ffyla
	Algâu gwyrdd Chlorophyta; Charophyta; Planhigion tir Planhigion anfasgwlaidd Marchantiophyta - llysiau'r afu; Anthocerotophyta - cornlysiau; Bryophyta - mwsoglau; ; Planhigion fasgwlaidd Planhigion fasgwlaidd di-had † Rhyniophyta; † Zosterophyllophyta; Lycopodiophyta - cnwpfwsoglau; † Trimerophytophyta; Pteridophyta - rhedyn a marchrawn; † Progymnospermophyta; ; Planhigion had † Pteridospermatophyta - hadredyn; Pinophyta - conwydd; Cycadophyta - sycadau; Ginkgophyta - coeden ginco; Gnetophyta; Magnoliophyta - planhigion blodeuol; ; ;

Grŵp o bethau byw yw planhigion. Ceir tua 300,000 o rywogaethau, gan gynnwys coed, blodau, glaswelltau, rhedyn, mwsoglau a rhai grwpiau o algâu. Astudiaeth planhigion yw botaneg. Organebau amlgellog (ac eithrio rhai o'r algâu) ac ewcaryotig yw planhigion. Maent i gyd yn creu bwyd eu hun drwy ffotosynthesis gan ddefnyddio cloroffyl.

Ffeithiau sydyn Planhigion, Dosbarthiad gwyddonol ...

Cau

Dosberthir planhigion yn y deyrnas Plantae. Mae'r deyrnas hon yn cynnwys y planhigion tir (Embryophyta) ac, yn aml, mae'n cynnwys yr algâu gwyrdd (Chlorophyta a Charophyta) hefyd. Weithiau, mae'r algâu coch (Rhodophyta) a'r glawcoffytau (Glaucophyta) yn cael eu cynnwys tu fewn i'r deyrnas. Dosbarthwyd grwpiau eraill o algâu, ffyngau a bacteria fel planhigion yn y gorffennol ond fe'u dosberthir mewn teyrnasoedd gwahanol bellach.