![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Sabina_-_geograph.org.uk_-_638393.jpg/640px-Sabina_-_geograph.org.uk_-_638393.jpg&w=640&q=50)
Morfa Bychan
pentref yng Ngwynedd / From Wikipedia, the free encyclopedia
Pentref arfordirol yng Ngwynedd yw Morfa Bychan ( ynganiad ). Saif i'r de-orllewin o dref Porthmadog ac i'r dwyrain o Gricieth, ar ochr ogleddol aber Afon Glaslyn lle mae'n cyrraedd Bae Tremadog.
![]() | |
Math | pentref ![]() |
---|---|
Daearyddiaeth | |
Sir | Porthmadog ![]() |
Gwlad | ![]() |
Cyfesurynnau | 52.9144°N 4.1643°W ![]() |
Cod OS | SH544374 ![]() |
Gwleidyddiaeth | |
AC/au | Mabon ap Gwynfor (Plaid Cymru) |
AS/au | Liz Saville Roberts (Plaid Cymru) |
![]() | |
Mae'n lle poblogaidd iawn gan dwristiaid yn yr haf, yn enwedig oherwydd traeth Morfa Bychan, Black Rock Sands yn Saesneg, sy'n ymestyn o'r pentref i gyfeiriad Cricieth. Caniateir gyrru ceir ar y traeth yma. Ceir nifer o siopau a thafarnau yma ynghyd â sawl gwersyll carafanau.
Gerllaw mae gwarchodfa natur Morfa Bychan, yn perthyn i Ymddiriedolaeth Natur Gogledd Cymru, a heb fod ymhell o'r pentref mae'r Garreg Wen, cartref y cerddor Dafydd y Garreg Wen. Y tu ôl i'r pentref ceir bryn Moel y Gest.
![Thumb image](http://upload.wikimedia.org/wikipedia/commons/thumb/e/ea/Black_Rock_Sands_Caravan_sites_-_geograph.org.uk_-_45685.jpg/320px-Black_Rock_Sands_Caravan_sites_-_geograph.org.uk_-_45685.jpg)
Cynrychiolir yr ardal hon yn Senedd Cymru gan Mabon ap Gwynfor (Plaid Cymru)[1] ac yn Senedd y DU gan Liz Saville Roberts (Plaid Cymru).[2]