![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/29/Metamorphosis_of_butterfly_%2528PSF%2529.png/640px-Metamorphosis_of_butterfly_%2528PSF%2529.png&w=640&q=50)
Metamorffosis
From Wikipedia, the free encyclopedia
Proses fiolegol y mae anifail yn datblygu yn gorfforol ar ôl ei enedigaeth neu'i ddeor, yn cynnwys newid amlwg a chymharol sydyn yn adeiledd corff yr anifail trwy dwf celloedd a gwahaniaethu cellog yw metamorffosis. Mae rhai pryfed, pysgod, amffibiaid, molysgiaid, cramenogion, cnidariaid, ecinodermiaid a twnicatiaid yn cael metamorffosis, sydd yn aml yn mynd law yn llaw â newid ffynhonnell maeth neu ymddygiad. Gellir dosbarthu anifeiliaid i mewn i rywogaethau sy'n cael metamorffosis llawn (holometabolaeth), metamorffosis anghyflawn (hemimetabolaeth), neu ddim metamorffosis (ametabolaeth).[1]
![]() | |
Math | cyfnod ym mywyd anifail, proses fiolegol, transformation, change ![]() |
---|---|
![]() |
![Thumb image](http://upload.wikimedia.org/wikipedia/commons/thumb/6/66/Dragonfly_metamorphosis.jpg/640px-Dragonfly_metamorphosis.jpg)
- Am y nofel fer gan Franz Kafka, gweler Metamorffosis (llyfr).
Mae defnydd gwyddonol y term yn dechnegol fanwl gywir, ac nis cymhwysir at agweddau cyffredinol twf celloedd, gan gynnwys hyrddiadau o dyfu'n sydyn. Mae cyfeiriadau at "fetamorffosis" mewn mamaliaid yn anfanwl ac yn llafar yn unig, ond yn hanesyddol mae syniadau delfrydyddol o drawsnewid a morffoleg, fel ym Metamorffosis o Blanhigion Goethe, wedi dylanwadu datblygiad syniadau esblygiad.