![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f2/Sant_Saeran_Llanynys_Sir_Ddinbych_Denbighshire_North_Wales_11.tif/lossless-page1-640px-Sant_Saeran_Llanynys_Sir_Ddinbych_Denbighshire_North_Wales_11.tif.png&w=640&q=50)
Eglwys Sant Saeran
eglwys yn Llanynys, Sir Ddinbych / From Wikipedia, the free encyclopedia
Eglwys hynafol o'r 13g sydd wedi'i dynodi'n Radd I gan Cadw yw Eglwys Sant Saeran, Llanynys, Sir Ddinbych, a arferid ei alw'n Eglwys Llanfawr.[1] Eglwys Sant Saeran yw un o eglwysi mwyaf deniadol a hynafol yr ardal. Saif mewn pentref tawel sy’n cynnwys hen dafarn ac ambell dŷ. Eto i gyd, hon oedd mam-eglwys de Dyffryn Clwyd, un o'r fwyaf yn yr ardal, a bu, ar un adeg, yn gartref i ‘glas’ (sef cymuned grefyddol Gymraeg), a sefydlwyd efallai yn y 6g ac a gysegrwyd i’r esgob-sant Saeran sydd a'i ŵyl ar y 13eg o Ionawr. Ni wyddys llawer amdano bellach ond mae ei enw hefyd i'w gael yn yr enw Ffynnon Sarah (a nodwyd gan Edward Lhwyd fel "Saeran") ym mhentref Derwen.
![]() | |
Math | eglwys ![]() |
---|---|
Sefydlwyd | |
Daearyddiaeth | |
Lleoliad | Llanynys ![]() |
Sir | Llanynys ![]() |
Gwlad | ![]() |
Uwch y môr | 41.1 metr ![]() |
Cyfesurynnau | 53.1536°N 3.34254°W ![]() |
Cod post | LL16 4PA ![]() |
![]() | |
Statws treftadaeth | adeilad rhestredig Gradd I ![]() |
Cysegrwyd i | Saeran ![]() |
Manylion | |
![Thumb image](http://upload.wikimedia.org/wikipedia/commons/thumb/8/8d/Sant_Saeran_Llanynys_Sir_Ddinbych_Denbighshire_North_Wales_16.tif/lossless-page1-640px-Sant_Saeran_Llanynys_Sir_Ddinbych_Denbighshire_North_Wales_16.tif.png)
![Thumb image](http://upload.wikimedia.org/wikipedia/commons/thumb/b/b4/Sant_Saeran_o_garreg_o_Eglwys_Sant_Saeran%2C_Llanynys_Top_yn_unig.png/640px-Sant_Saeran_o_garreg_o_Eglwys_Sant_Saeran%2C_Llanynys_Top_yn_unig.png)
Mae tu mewn yr eglwys yn fawr ac mae hyn yn gydnaws â phwysigrwydd yr eglwys ar un adeg, gyda'i chysylltiadau agos ag Esgobion Bangor, a fu’n berchen arni am gyfnod hir. Mae ganddi ddau gorff, fel cynifer o eglwysi Sir Ddinbych, ynghyd â dau do gwych â thrawstiau gordd sy’n dyddio o ddiwedd yr Oesoedd Canol. Mae’r colofnau rhychiog o goed rhwng y ddau gorff yn fwy anghyffredin ac yn llawer mwy diweddar, gan eu bod yn dyddio o gyfnod yr adnewyddu ym 1768.