Mae ColegauCymru yn elusen addysg sy'n hyrwyddo budd cyhoeddus addysg bellach yng Nghymru. Mae'n gorff dielw a arweinir gan aelodau a sefydlwyd ym 1995 gan golegau Addysg Bellach (AB), i gynrychioli a hyrwyddo eu diddordebau ac addysg ôl-16. Mae pencadlys ColegauCymru yn Nhongwynlais ger Caerdydd.
| Enghraifft o'r canlynol | sefydliad elusennol  |
|---|---|
| Dechrau/Sefydlu | 1995 |
| Pencadlys | Tongwynlais |
Mae hefyd yn ymgynnull Fforwm Penaethiaid Addysg Bellach, sy’n cynrychioli buddiannau darparwyr addysg bellach.
Prif Weithredwr y corff yn 2023 oedd David Hagendyk a'r Cadeirydd oedd Guy Lacey o Goleg Gwent.[1]
Dywed cennad y corff eu bod yn credu fod gan bob dysgwr yr hawl i addysg o safon fyd-eang, a ddarperir mewn lleoliad diogel, amrywiol a chynhwysol ac o fewn sector sy'n cefnogi'r gymuned ehangach, cyflogwyr a'r economi.[2]
Mae'n bwriadu angos gwerth addysg bellach i'r holl ddysgwyr, y gymdeithas a'r economi.
Er bod yr enw'n uniaith Gymraeg, mae'r corff yn gweithredu'n ddwyieithog ac yn darparu gwasanaeth ddwyieithog. Ysgrifennir enw'r corff fel un gair, 'ColegauCymru', ac nid fel 'Colegau Cymru'.
Mae ColegauCymru'n cynnwys yr aelodau isod:[3]
- Coleg Ceredigion (sydd bellach yn rhan o Goleg Sir Gâr)
- Addysg Oedolion Cymru (Adult Learning Wales, uniad o'r hen Goleg Harlech a Chymdeithas Addysg y Gweithwyr)
- Coleg Penybont
- Coleg Cambria
- Coleg Caerdydd a'r Fro
- Coleg Sir Gâr
- Coleg y Cymoedd
- Coleg Merthyr Tudful
- Coleg Gŵyr Abertawe
- Grŵp Llandrillo Menai
- Coleg Gwent
- Grŵp Colegau NPTC
- Coleg Sir Benfro
- Coleg Catholig Dewi Sant (coleg chweched dosbarth Caerdydd)
- Coleg Cymraeg Cenedlaethol
Mae Fforwm Services Ltd yn gwmni cyfyngedig preifat ac yn is-gwmni sy'n eiddo llwyr i Colegau Cymru. Mae'n blatfform ar gyfer cynnal gweithgareddau masnachol ac i ennill incwm su'n caniatau inni hwyluso digwyddiadau, hyfforddiant a chynadleddau yn benodol i'r sector.[4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
