Afon fechan yng ngogledd-ddwyrain Cymru yw Afon Gele. Mae'n un o ledneintiau Afon Clwyd. Ei hyd yw tua 7 milltir. Gorwedd yn bennaf yn sir Conwy gyda rhan ohoni yn Sir Ddinbych.
Gorwedd tarddle'r afon yn y bryniau isel tua 3 milltir i'r de o dref Abergele, ger arfordir gogledd Cymru. Llifa i lawr i gyfeiriad y gogledd trwy gwm bychan i gyrraedd Abergele. Ar ôl llifo trwy'r dref farchnad honno mae hi'n troi i'r dwyrain. Llifa yn ei blaen trwy wlybdir eang Morfa Rhuddlan am tua 4 milltir i ymuno yn Afon Clwyd tua milltir i'r de o Fae Cinmel, ger Y Rhyl.
Yn ôl Ifor Williams, ffurf dafodieithol ar y gair Cymraeg Canol gelau (arf o ryw fath, blaen gwayffon neu llafn cleddyf efallai) yw gele.[1]
Cyfeiriadau
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
