![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/Anonymous_Abbess_Eufemia_Szaniawska.jpg/640px-Anonymous_Abbess_Eufemia_Szaniawska.jpg&w=640&q=50)
Abades
From Wikipedia, the free encyclopedia
Pennaeth ar gymuned o leianod sy'n byw mewn abaty a'i swydd yn cyfateb i swydd abad yw abades.[1] Fel teitl mae'r term yn tueddu i gael ei gyfyngu i'r Gristnogaeth, ond gelwir penaethiaid abatai Bwdhaidd yn abadesau hefyd weithiau, er enghraifft yn achos Bwdhaeth Tibet.
![]() | |
Enghraifft o'r canlynol | galwedigaeth eglwysig, swydd ![]() |
---|---|
Math | chwaer grefyddol, superior, lleian, ordinari ![]() |
![]() |
![Thumb image](http://upload.wikimedia.org/wikipedia/commons/thumb/d/de/Anonymous_Abbess_Eufemia_Szaniawska.jpg/320px-Anonymous_Abbess_Eufemia_Szaniawska.jpg)
Yn yr Eglwys Geltaidd, penaethes ar gyd-gymuned o fynachod a lleianod oedd abades. Daethpwyd â'r arfer hon i'r cyfandir gan genadaethau Celtaidd i Ffrainc a Sbaen, ac hyd yn oed i Rufain. Yn 1115 cyflwynodd Robert d'Arbrissel, sefydlwr Abaty Fontevraud, holl weinyddiaeth yr urdd honno i abades.
Yn sgil y Diwygiad Protestannaidd yn yr Almaen, goroesai'r teitl abades (Almaeneg: Aebtissin) i ddynodi'r penaethiaid ar abatai sydd wedi cadw hen arferion y Stifte, hynny yw yr eglwysi colegaidd sydd yn rhoi llety i ferched dibriod, fel arfer o dras fonheddig, ac yn darparu incwm iddynt. Yn hanesyddol rhoddir y swydd honno i dywysoges o un o'r teuluoedd brenhinol Almaenig.