Olier Souetr

Olivier-Michel Souvestre, pe Olier Souetr, ganet e Plourin-Montroulez d'an 28 a viz Kerzu 1831, ha marvet e Pariz d'an 30 a viz Kerzu 1896, zo ur skrivagner brezhonek ha gallek.

Olier Souetr

den

Reizh pe jener	paotr
Bro ar geodedouriezh	Frañs
Anv e yezh-vamm an den	Olivier Souêtre
Anv-bihan	Olivier, Olier
Anv-familh	Souêtre
Deiziad ganedigezh	27 Kzu 1831
Lec'h ganedigezh	Plourin-Montroulez
Deiziad ar marv	30 Kzu 1896
Lec'h ar marv	Pariz
Yezhoù komzet pe skrivet	brezhoneg, galleg
Micher	barzh, communard, chansonnier
Implijer	Comptoir national d'escompte de Paris
Skour lu	marines

E vuhez

Mab e oa da Maurice Souêtre (1796-1854), a oa bet miliner er Moulin de la Pierre, ha d'e bried, Catherine Razer. Pa oa yaouank e plije dezhañ lenn Ar pevar mab Aymon. Kaset e voe da gloerdi bras Kemper. Eno e lennas, dre laer, oberennoù Félicité de Lamennais, ha saouzanet e voe o c'houzout e oa bet kondaonet gant an Iliz. Bloaz goude e reas anaoudegezh gant ur plac'h yaouank a Lokireg, peadra da gas e feiz da get, ha da nac'h mont da veleg. Distreiñ a reas da di e vamm, deuet da vout intañvez, hag eno eo e savas Gwerz ar Roue Gralon ha Ker Is^[1], dediet d'e vamm-gozh, war-dro 1850. E oberenn vrezhonek nemeti e vije.

En 1862, ec'h embannas ar romant gallek Mikael Cloarek breton, ma kaver ar werz a-hed 15 pajenn, ha ne reas ket berzh.

Mont a reas a-du gant Kumun Pariz e 1871, ha kemeret en dije perzh en emgannoù a-enep soudarded Republik Versailhez ha gloazet e voe. Goude-se e voe micherour en ur voulerezh. Skrivañ a reas kanaouennoù gallek evit an dispac'herien hag an anarkourien ha berzh a rejont, dreist-holl La Marianne a voe troet e meur a yezh.

Mervel a reas Olier Souetr e Pariz d'an 30 a viz Kerzu 1896.

Levrlennadur

• L'Almanach de la Bretagne gant Bernard Le Nail, Larousse, 2003

Notennoù

Sellet er Wikimammenn : Olier Souetr.

1. Ar werz hag ur pennad gallek db an oberour : []