Maria Letizia Ramolino

Maria Letizia Ramolino a oa ur vaouez eus Korsika ganet d'ar 24 a viz Eost 1750. Merc'h e oa da Jean-Jérome Ramolino ha da Angela Maria Pietra-Santa .

Maria Letizia Ramolino

den

Reizh pe jener	plac'h
Bro ar geodedouriezh	Frañs, Republik Genova
Anv e yezh-vamm an den	Letizia Bonaparte
Anv ganedigezh	Maria Letizia Ramolino
Anv-bihan	Maria-Letizia
Anv-familh	Ramallo
Deiziad ganedigezh	24 Eos 1750
Lec'h ganedigezh	Aiacciu
Deiziad ar marv	2 C'hwe 1836
Lec'h ar marv	Roma
Lec'h douaridigezh	Chapelle Impériale
Tad	Gian Girolamo Ramolino
Mamm	Angela Maria Pietra-Santa
Pried	Carlo Buonaparte
Familh	tierniezh Bonaparte
Yezhoù komzet pe skrivet	galleg
Micher	brientin
Deskrivet dre	Letizia Ramolino Bonaparte portrait, Bust of Letizia Ramolino

Letizia Bonaparte he sae lez dindani
Livadur gant Robert Lefèvre (1813).

A orin italian e oa he ziegezh, diskenn a rae eus konted Colalto; ar c'hentañ anezhe a ziazezas en Aiacciu a oa dimezet da verc'h dodje Genova.

Brudet e oa he c'hened en enez. Kontet ez eus bet e oa bet bodet gant Pascale Paoli, p'edo e barr e c'halloud, holl goantenned Korsika da ziskouez da gannad Tunis, hag edo Maria Letizia er renk kentañ.

Gwaz ha bugale

Dimeziñ a eure da Carlo Maria Buonaparte. Lidet e voe an eured d'an 2 a viz Mezheven 1764, pa oa 14 vloaz, ha 13 bugel a voe. Setu int:

• 1. Napoleone Buonaparte (1764 - 17 a viz Eost 1765)
  2. Maria Anna Buonaparte (3 a viz Genver 1767 - 1 a viz Genver 1768).
  3. Giuseppe Buonaparte (7 a viz Genver 1768 - 28 a viz Gouhere 1844)
  4. Napoleone Buonaparte (15 a viz Eost 1769 - 5 a viz Mae 1821). An anv-se a voe roet dezhañ diwar-lerc'h hini e vreur henañ, marvet trumm .
  5. Maria Anna Buonaparte (1770). Ganet marv. Anvet diwar-lerc'h he c'hoar marvet trumm.
  6. Maria Anna Buonaparte (14 a viz Gouhere - 23 a viz Du 1771 ). Anvet diwar-lerc'h he div c'hoar marvet trumm.
  7. Ur bugel ganet-marv.
  8. Luciano Buonaparte (21 a viz Mae 1775 - 29 a viz Mezheven 1840)
  9. Elisa Buonaparte (Maria Anna Elisa Bonaparte Bacciochi)(13 a viz Genver 1777 - 7 a viz Eost 1820)
  10. Luigi Buonaparte (2 a viz Gwengolo 1778 - 25 a viz Gouhere1844)
  11. Maria Paoletta Buonaparte (20 a viz Here 1780 - 9 a viz Mezheven 1825)
  12. Maria Annunziata Carolina Buonaparte (24 a viz Meurzh 1782 - 18 a viz Mae 1839). Dimezet da Joachim Murat.
  13. Girolamo Buonaparte (15 a viz Du 1784 - 24 a viz Mezheven 1860)

E Bro-C'hall hag en Italia

Pa varvas he gwaz en 1785 e rankas bevañ er baourentez. Met gwellaet e voe stad an tiegezh pan eas hec'h eil mab Napoleone war vicher an armoù. E 1793 e rankas kuitaat Korsika a oa en em savet a-enep Bro-C'hall, da vont da v-Marseille. D'ar c'houlz-se eo e kustumas sellout berr.

Ne oa ket evit en em glevout gant Joséphine de Beauharnais a zimezas gant ar jeneral Bonaparte en 1796. Kontrol d'ar pezh a weler e taolenn David n'eas ket da gurunidigezh he mab en 1804 dre ma ne oa ket a-du gantañ na diwar-bouez e eured na diwar-bouez e gurunidigezh.

Koulskoude e voe anvet, dre un dekred d'an 23 a viz Meurzh 1805, da v-Meurded Impalaerel hag Itron Mamm. Bevañ a rae pell diouzh al lez, e kastell Pont-sur-Seine, profet dezhi gant he mab, diskenn a rae en Hôtel de Brienne pa c'hoarveze dezhi donet da b-Pariz. Galleg ne gomze ket, na biskoazh ne zeskas.

Devot e oa, gwarez a c'houlennas digant ar pab pa voe ret mont d'an harlu, ha mont a reas da chom da Roma, d'ar palez Falconieri gant he hanter-breur ar c'hardinal Joseph Fesch, ha goude d'ar palez Rinuccini. Eno eo e klevas keloù eus marv Napoléon Bonaparte d'ar 5 a viz Mae 1821 hag eno eo e varvas d'an 2 a viz C'hwevrer 1836. E Corneto e voe beziet, met degaset e voe he c'horf da Aiacciu e 1851, ha neuze d'ar Chapel impalaerel en 1860 war urzh he mab-bihan Napoleon III.