Rouaned ha konted Kerne

Amañ e kaver anvioù rouaned Kerne hag ar gonted war o lerc'h, goude echu gant ar rouantelezh.

Anavezet int dre kartular abati Landevenneg adskrivet en XII^vet kantved. Disheñvel un tamm eo diouzh re abati Kemperle (fin an XII^vet kantved) ha Kemper (dibenn ar XIV^vet kantved).

Rivelen Mor Marthou / Riwallon Meurmarzhioù ( pemarzhioù pe marc'hoù, diaesoc'h da grediñ rak gortoz a rafed meirch kentoc'h) lakaet gant lod da vout kentañ roue brezhon Arvorig;
Rivelen Marthou, moarvat ar memes den
Concar pe Cungar (Kongar er yezh a vremañ)
Gradlon Meur, a veve war-dro ar bloavezh 500. Hennezh marteze an hini a gaver e mojenn Kêr-Is;
Daniel Drem Rud ( ruz e zremm), a vije bet roue war an "Allamanni", a vije "Albani" (hervez Léon Fleuriot en Origines, 1980), un anv roet da Vrezhoned Enez Alba, Enez Vreizh, da neuze e oa roue en daou du da Mor Breizh,
Budic & Maxenri, pe Maxenti (daou vreur )
Iahan Reith
Daniel Unua
Gradlon Flam
De Gerus
Concar Cheroenoc
Budic Mur
Fragual Fradleoc
Gradlon Plueneor, marteze an hini a roas aotre da sevel abati Landevenneg,
Aulfret Alesrudon; Aulfret eo anv testeniekaet tad ar beskont Diles,
Diles Heirguor Chebre; Diles zo un anv a oa d'ur beskont entre 946 ha 952
Budic Bud Berhuc, den anavezet en dihelloù, entre 1008 ha 1031, tad hemañ:
Binidic (Benniget) , anavezet en dihelloù evel kont hag eskob Kerne, tad hemañ:
Alan Canhiart, kont Kerne, tad hemañ:
Houel Huuel; anavezet evel Hoel Kerne, pe Hoel II), kont Naoned, kont Kerne, ha goude-se dug Breizh adalek 1066

Remove ads

Ar roll