Janed Ark

Janed Ark (Johanna Dark en alamaneg, Jeanne d'Arc e galleg, Joan of Arc e saozneg) zo ur soudardez c'hall eus deroù ar XV^vet kantved bet ganet e Domrémy (e Kontelezh Bar d'an ampoent, war an harzoù etre Rouantelezh Bro-C'hall hag an Impalaeriezh santel roman german) e 1412 ha marvet e Rouen (Normandi, Rouantelezh Bro-Saoz) d'an 30 a viz Mae 1431, e servij ar roue gall Charlez VII. Ur roll a bouez he deus c'hoariet e dibenn ar Brezel Kant Vloaz. Prosez a voe graet dezhi evel sorserez gant eskob Beauvais Pierre Cauchon ha devet e voe en he bev e Rouen, eil kêr saoz vrasañ d'ar mare-se.

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Janed Ark

den

Reizh pe jener	plac'h
Bro ar geodedouriezh	Rouantelezh Bro-C'hall
Lealded	Rouantelezh Bro-C'hall
Anv ganedigezh	talvoud dianav
Anv-bihan	Jehanne
Deiziad ganedigezh	6 Gen 1412
Lec'h ganedigezh	Domrémy-la-Pucelle
Deiziad ar marv	30 Mae 1431
Lec'h ar marv	Rouan
Doare mervel	kastiz ar marv
Abeg ar marv	death by burning
Killed by	Geoffroy Thérage
Tad	Jacques d'Arc
Mamm	Isabelle Romée
Breur pe c'hoar	Catherine d'Arc, Jacques of Arc, Jean d'Arc, Pierre d'Arc
Yezh vamm	krennc'halleg
Yezhoù komzet pe skrivet	krennc'halleg
Yezh implijet dre skrid	krennc'halleg
Kondaonet evit	heresy
Exonerated of	heresy
Penalty	kastiz ar marv
Micher	milour
Relijion	Iliz katolik roman
Stad ar c'hanonizasion	sant katolik
Gouel	30 Mae
Kleñved	drougsant
Darvoud-alc'hwez	interrogation, interrogation, Trial of Joan of Arc, Rehabilitation trial of Joan of Arc
Prizioù resevet	Godfather promotion of Special Military School of Saint-Cyr
Statud e wirioù aozer	Ar gwirioù aozer ne dalvezont ket ken
Documentation files at	SAPA Foundation, Swiss Archive of the Performing Arts

Ar poltred nemetañ eus Janed Ark
Kreiz ar XV^vet kantved
Centre historique des Archives nationales,
Pariz, AE II 2490

Lakaet eo bet da harozez veur ar Romant Broadel gall, ha da santez katolik war un dro gant ar pab Benead XV e 1920.

Ha lorenat e oa Janed Ark ?

Genidik eus Domrémy e oa Janed Ark. D'ar mare-se ne oa ket ar gêriadenn-se e Loren met e Rouantelezh Bro-C'hall. Pa oa lakaet Janed Ark da santez an Iliz hag ar Republik e deroù an XX^vet kantved e oa deuet da vezañ e Loren avat, kantvedoù war-lerc'h mare ar vrezelourez eta. Kollet e oa bet Elzas hag ul lodenn eus Loren gant Bro-C'hall abaoe Brezel 1870 hag o lakaat da lorenat an harozez vroadel nevez a oa un doare evit ar C'hallaoued da embann ne oa ket alaman Loren, met gall. Abegoù politikel-tre a oa da ginnig anezhi evel lorenat eta.

• 
  Janed Ark gant Rubens (1620)
• 
  Janed Ark, gant Dante Gabriel Rossetti (1882)
• 
  Medalenn da Janed Ark (2009)

Diwar he fenn

Miliadoù a ilizoù, mirdioù, delwennoù, levrioù, livadurioù, kanaouennoù, timbroù, filmoù, bannoù-treset, c'hoarioù video hag all hag all, zo bet graet diwar e fenn, adalek ar IIIe Republik c'hall dreist-holl, da skouer :

• meur a «musée johannique» (sic) zo bet digoret e Domrémy, Rouen (1953), Orleañs (1974), Vaucouleurs...
• tudenn bennañ oberenn a-bezh ar skrivagner gall Charles Péguy eo
• ilizoù, chapelioù, delwennoù, pennilizoù Jeanne-D'Arc e Pariz ha Domrémy
• livadurioù zo bet urzhiadet ha lakaet e mirdioù Louvre, Orsay, er Panthéon, e Mirdi an Arzoù-kaer Rouen hag er mirdioù Jeanne D'Arc
• Jeanne d'Arc, c'hoarigan gant Charles Gounod e 1873
• Орлеанская дева (Orleanskaya deva pe Gwerc'hez Orleañs), c'hoarigan gant Piotr Ilitch Tchaikovski e 1878
• La vie de Jeanne d'Arc romant gant Anatole France e 1908
• Saint Joan (1957), film gant Otto Preminger, aktourez Jean Seberg, diwar ar pezh-c'hoari Saint Joan gant ar skrivagner iwerzhonat George Bernard Shaw (1924)
• Jeanne au bûcher pezh-c'hoari gant Paul Claudel (1939)
• Domrémy pezh-c'hoari gant Robert Brasillach (1943)
• Jeanne d'Arc film gant Luc Besson e 1999
• Jeanne d'Arc, jeune fille de France brûlée vive romant gant Max Gallo (2014)
• un arvest a zo er Puy du Fou
• Marine Le Pen he deus anvet he mikro-strollad Jeanne, ha prosez zo bet savet outi war tammalladurioù bogod arc'hant

E Breizh ivez :

• Janed Ark, pezh-c'hoari e pevar arvest, skrivet gant an aotrou Joanno (1857-1935), embannet e Sant-Brieg e 1909
• an iliz Santez-Janed-Ark e Roazhon, savet adalek 1914
• ha delwennoù zo bet lakaet en holl ilizoù koulz lavaret

Un asteroidenn zoken zo bet anvet diouzh he anv e 1872 : (127) Johanna.