Mona Lisa
taolenn gant Leonardo da Vinci From Wikipedia, the free encyclopedia
taolenn gant Leonardo da Vinci From Wikipedia, the free encyclopedia
Mona Lisa (anavezet ivez evel La Gioconda en italianeg ha La Joconde e galleg) zo un daolenn brudet, marteze an daolenn vrudetañ er bed, graet gant al livour italian Leonardo da Vinci e kêr Firenze e Toskana e deroù ar XVIvet kantved. Un eoullivadur eo, graet war ur banell koad pupli hag unan eus pennoberennoù an Azginivelezh italian. Emañ war ziskouez e Mirdi al Louvre, e Pariz, e Bro-C'hall.
Meur a dezenn zo, met bremañ e soñjer e talv Mona kement ha Ma donna (ma itron, itron) ha Lisa eo anv an itron Lisa Gherardini, gwreg ar marc'hadour Francesco del Giocondo (1475-1538), ha setu perak e vez kaoz eus La Gioconda, stumm gwregel anv an tiegezh.
Hervez Giorgio Vasari ez eo poltred Lisa del Giocondo, pe Lisa Maria Gherardini hec'h anv plac'h yaouank, bet ganet e miz Mae 1479 e Firenze. Ne oa ket pinvidik he zud ha dimezet e voe da 16 vloaz da vab ur marc'hadour sidan, anvet Francesco di Bartolomeo del Giocondo. Hennezh a oa intañvezet div wech, ha 19 vloaz en doa war Lisa. Pemp bugel o doe etre 1496 ha 1507[1] : Piero, Camilla, Andrea, Giocondo ha Marietta (a gemeras an anv Ludovica e 1521) ; ur verc'hig a voe kollet e 1499[2]
Dont a ra an anv Mona eus Madonna (Ma itron, evel milady e saozneg), berraet e Monna, ha Lisa, anv-badez kentañ ar vaouez.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
