Mari Breizh (Naoned, 18 a viz C'hwevrer 1391 - dianav, 18 a viz Kerzu 1446) a oa ur briñsez vreizhat.
Bez' e voe Kontez Perche hag Itron La Guerche eus 1396 betek 1414, ha Kontez Alençon eus 1404 betek 1414[1].
E 1414 e voe Dugez Alençon, Kontez Perche hag Itron La Guerche, pa voe lakaet tiriad he gwaz da zugelezh gant ar roue gall Charlez VI. Goude marvhe gwaz e 1415 en Emgann Azincourt e viras Mari Breizh an titl ag Itron La Guerche, he mab Yann o vont da Zug Alençon ha Kont Perche.
Ul liamm etre Tiegezh Montfort dugelezh Breizh ha TIegezh Valois-Alençon Bro-C'hall e voe Mari Breizh eta.
Ur pennad Mari Breizh zo ivez.Merc'h e oa da Yann IV (dug Breizh) (1339-1399) ha d'e bried Janed Breizh (1370-1437), ur verc'h da Charlez II Navarra.
D'ar 26 a viz Mezheven 1396 e sinas an dug Yann IV ur gevrat gant ar c'hont Pêr II Alençon evit dimeziñ e verc'h gant Yann Iañ Alençon, mab Pêr, a voe kont d'e dro e 1404.
Pemp bugel o devoe :
- Pêr (4 a viz Here 1407 - 16 a viz Meurzh 1408) ;
- Yann II Alençon (1409-1476) a vrezelias a-bep-eil a-enep ar Saozon hag a-du ganto ;
- Yanna (1412-1420)
- Charleza (1413-1435), hag a yeas da leanez.
Goude marv he fried en Azincourt 1415, e rankas Mari Breizh tec'hel kuit eus Normandi, ma oa bet o c'hortoz an emgann. He mab Yann II Alençon a voe paket gant ar Saozon en Emgann Verneuil e 1424 ; en e frankiz e voe lakaet e 1427, goude bout paeet e zaspren ; diwezhatoc'h e voe brudet evel unan eus heulierien Janed Ark.
Den ne oar pelec'h e voe beziet Mari Breizh, Itron La Guerche, goude he marv e 1446. He bugale avat a ouzer pelec'h emañ o bezioù.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
