lenn e Rusia From Wikipedia, the free encyclopedia
Lenn Baikal (ruseg: о́зеро Байка́л, distaget: [ˈozʲɪrə bɐjˈkal]) zo ul lenn e su Siberia, e Rusia ar reter. Etre Oblast Irkoutsk er gwalarn ha Republik Bouryatia er gevred emañ, e-kichen kêr Irkoutsk. Lesanvet e vez a-wechoù "Lagad glas Siberia"[1] ha "Perlezenn Siberia".
Lenn Baikal | |
---|---|
Bro : | Rusia |
Rannvroioù : | Siberia |
Gorread : | 31.722 km² |
Donder brasañ : | 1642 m |
Hed ar ribloù : | 2125 km |
Adstêr(ioù): | Selenga Chikoy Khilokh Uda Barguzin Angara |
Diazad doureier : | 560.000 km² |
Kêrioù pennañ war ribl al lenn : |
Irkoutsk |
Skornet e vez gorre al lenn etre miz Genver ha miz Mae. Olkhon eo he enez vrasañ. Sviatoj Nos eo he gourenez zisparañ, da lâret eo ar Fri Santel (war ar ribl reter, ur gwarezva hag ur park natur eo).
E bouriateg ha mongoleg e vez anvet al lenn Байгал нуур, Baigal nuur, da lavaret eo «lenn an natur». Ar ger Baikal a c'hall dont eus Baigal pe Байгал hag a dalv natur e mongoleg.
Gerdarzh koshoc'h ar ger Baikal a zo da vezañ klasket en turkeg, rak Turked ha Mongoled e oa ar pobloù kentañ d'en em staliañ war e ribloù. Dont a ra eus Bay Köl eta (« lenn binvidik, sakr »).
31 500 km² eo, 636 km a hirder ha 48 km a ledander well-wazh. Gant 1 637 metr a zonder ez eo al lenn zonañ er bed[2]. 23 600 km³ a zour a zo dalc'het enni, kement hag ar Mor Baltek pe 5 lenn vras Norzhamerika a-gevret (lenn Superior, lenn Michigan, lenn Huron, lenn Erie ha lenn Ontario). Kementad dour dous brasañ ar bed eo[3]. Lenn he dour boullañ ar bed eo. Lenn goshañ ar bed eo ivez, 25 milion a vloavezhioù he oad[4]. Al lenn Baikal a zegemer ouzhpenn 1,700 spesad a blantennoù ha loened, en o zouez an daoufarzh anezho ne vez ket kavet nemet eno er bed[5].
Disklêriet eo bet Glad bedel gant an Unesco e 1996[6].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.