Ganedigezh Gwener, pe La Nascita di Venere en italianeg, zo un daolenn gant Sandro Botticelli, ma weler an doueez Gwener o tiflukañ eus ar mor.
- Meur a livadur zo bet anvet Ganedigezh Gwener.
![Thumb](http://upload.wikimedia.org/wikipedia/commons/thumb/0/0b/Sandro_Botticelli_-_La_nascita_di_Venere_-_Google_Art_Project_-_edited.jpg/640px-Sandro_Botticelli_-_La_nascita_di_Venere_-_Google_Art_Project_-_edited.jpg)
Simonetta Vespucci, kaerañ plac'h Firenze hervez ar vrud, eo a zo Gwener en daolenn.
Savet eo bet an oberenn etre 1482 ha 1486, marteze evit Lorenzo di Pierfrancesco de’ Medici, kenderv da Lorenzo il Magnifico. Hennezh a oa, d’ar mare-se, perc’henn ar villa di Castello ma oa “Ganedigezh Gwener” hag “An Nevezamzer”, hervez a skrive Giorgio Vasari en e levr “Le Vite”, embannet e 1550.
Sandro Botticelli a c’halle bezañ awenet gant ar barzh Angelo Poliziano, hag a zeskrive ganedigezh Gwener en ur varzhoneg dezhañ. En oberennoù Homeros hag Ovidius e c’haller kavout an hevelep sujed: Zefiros, doue an avel Gornôg, o kas an nevezamzer en e alan hag e bried C’hloris, o vriata anezhañ. N’eo ket sur e anaveze Sandro Botticelli an oberennoù orin. Met dre e amezeg, Giorgio Antonio Vespucci e c’halle ober anaoudegezh gant ar barzh ha tud vrudetañ Firenze. Unan eus e guzulerien e c’halle bezañ ivez ar prederour Marsilio Ficino.
Gwelout an daolenn a c'haller e Mirdi an Ofisoù e Firenze.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.