![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Kurdistan_of_Turkey_%2528CIA%2529.png/640px-Kurdistan_of_Turkey_%2528CIA%2529.png&w=640&q=50)
Kurdistan Turkia
From Wikipedia, the free encyclopedia
Kurdistan Turkia pe Hanternoz Kurdistan pe Kurdistan an Norzh (Türkiye Kürdistanı pe Kuzey Kürdistan e turkeg, Kurdistana Tirkiyê pe Bakurê Kurdistanê e kurdeg) eo an anv a reer eus al lodenn eus Turkia a zo annezet gant Kurded, e-kichen ar rannvroioù all zo poblet ganto er Reter-Nesañ.
![Thumb image](http://upload.wikimedia.org/wikipedia/commons/thumb/a/a2/Kurdistan_of_Turkey_%28CIA%29.png/640px-Kurdistan_of_Turkey_%28CIA%29.png)
En em astenn a ra war ur gorread etre 190 000 km² ha 230 000 km², da lavaret eo tost d’un drederenn eus gorread Turkia. Ur 17 proviñs bennak eus Turkia zo e Kurdistan Turkia, met diaes eo lavaret petra eo bevenn ar rannvro er c’hornôg. N’eus unander ebet gant ar rannvro-se war dachenn ar velestradurezh hag enebet eo stad Turkia ouzh implij ar ger Kurdistan evit envel anezhi.
Diyarbakır (Amed e kurdeg) eo ar gêr vrasañ er rannvro. Kurded Turkia a vefe etre 15 ha 25 milion anezho, met kalzik anezho o deus kuitaet maezioù Kurdistan evit mont da gêrioù bras kornôg Turkia, evel Ankara pe Istanbul.
![Thumb image](http://upload.wikimedia.org/wikipedia/commons/thumb/f/f2/Diyarbakirwalls2.jpg/640px-Diyarbakirwalls2.jpg)