mirdi Aostria From Wikipedia, the free encyclopedia
Kunsthistorisches Museum ("Mirdi istor an arz" en alamaneg), pe Mirdi an arzoù-kaer, a zo ur mirdi e Vienna, kêr-benn Aostria, hag unan eus ar re binvidikañ er bed. En ur savadur war ar Ringstraße emañ.
Kunsthistorisches Museum eo anv ar mirdi koulz ha hini an ensavadur. E 2007 e voe gweladennet gant 619.318 den[1].
Digoret e voe e 1891, er memes koulz hag an Naturhistorisches Museum, gant an impalaer Franz Joseph I Aostria-Hungaria. Heñvel eo talbennoù an daou savadur, ha keñver-ha-keñver emaint er Maria-Theresien-Platz. An daou savadur a voe savet etre 1872 ha 1891 diwar steuñvioù treset gant Gottfried Semper ha Karl Freiherr von Hasenauer.
Goulenn a reas an impalaer ma vefe savet daou savadur er Ringstraße da ziskouez dastumad oberennoù arz ar re Habsburg. Savet eo bet an talbenn gant krag, hag ar savadur a zo dezhañ stumm un hirgarrezenn. Ur volz-toenn 60 metrad uhelder dezhi a zo e lein. Diabarzh ar savadur a zo kinklet gant marbr, follennoù aour ha livadurioù: un oberenn arzel eo ivez.
D'an 11 a viz Mae 2003 e voe laeret unan eus pezhioù talvoudusañ ar mirdi, Holener Cellini savet gant Benvenuto Cellini. Adkavet e voe d'an 21 a viz Genver 2006 en ur voest douaret tost ouzh kêr Zwettl en Aostria[2].
E-touez oberennoù pennañ an diskouezva livadurioù emañ:
Dastumadoù ar Kunsthistorisches Museum:
Mirdioù all stag ouzh Kunsthistorisches Museum Vienna:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.