Inizi Gall

An Inizi Gall pe an Hebridez (Na h-Innse Gall e gouezeleg Skos, Hebrides e saozneg), a zo un enezeg e kornaoueg Bro-Skos, er Meurvor Atlantel. Al lodenn eus Bro-Skos ma vez komzet ar muiañ a ouezeleg eo an inizi-se.

An inizi Gall, a zo div lodenn anezho: an inizi "diabarzh", tost d'an douar-bras, hag an inizi "diavaez".

Douaroniezh

Rannet eo an enezeg e div rann vras gant ar mor:

• lod eus an enezeg zo tostik d'an douar-bras, er reter, hag ar re-se eo an "inizi diabarzh", pe Na h-Eileanan a-stigh e gouezeleg, Inner Hebrides e saozneg;
• al lod all, pelloc'h er c'hornôg, eo an "inizi diavaez", anvet en-ofisiel Na h-Eileanan Siar, hag a zo Outer Hebrides e saozneg.

Ar mor

Etre inizi ar c'hornôg ha re ar reter ez eo ledanoc'h ar mor eget etre an douar-bras hag an inizi. Ur mor bihan zo aze eta, ha tri anv a vez graet anezhañ:

• The Minch, en hanternoz
• The Little Minch, bihanoc'h ha strishoc'h, er c'hreiz
• Mor an Inizi Gall, er c'hreisteiz

Anvadurezh

Anvet int an Inizi Gall abalamour ma'z int bet e dalc'h ar Skandinaved e-pad pell. Graet e veze "Gall" (ar memes ger ha "gall" brezhonek) eus an dud-se e gouezeleg.

An inizi pellañ

• Barraigh
• Na Hearadh
• Leòdhas
• Uibhist a Tuath
• Beinn na Faoghla
• Uibhist a Deas
• Hiort

An inizi tostañ

• An t-Eilean Sgitheanach
• Muile
• Ì Chaluim Chille
• Ìle
• Diùra
• Lios Mòr
• Tiriodh
• Cola
• Colbhasa
• Canna
• Eilean nam Muc
• Rùm
• Eige

Liammoù diavaez

Commons

Muioc'h a restroù diwar-benn

Inizi Gall

a vo kavet e Wikimedia Commons.