![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/aa/Blaena%2527_and_the_Moelwynion_hills_from_the_quarrymen%2527s_path_to_Bowydd_Quarry_-_geograph.org.uk_-_581860.jpg/640px-Blaena%2527_and_the_Moelwynion_hills_from_the_quarrymen%2527s_path_to_Bowydd_Quarry_-_geograph.org.uk_-_581860.jpg&w=640&q=50)
Ffestiniog
From Wikipedia, the free encyclopedia
Ffestiniog zo ur barrez hag ur gumuniezh e kontelezh Gwynedd, e Kembre. Emañ e-kichen Maentwrog, e Cwm Ffestiniog.
![Thumb image](http://upload.wikimedia.org/wikipedia/commons/thumb/a/aa/Blaena%27_and_the_Moelwynion_hills_from_the_quarrymen%27s_path_to_Bowydd_Quarry_-_geograph.org.uk_-_581860.jpg/320px-Blaena%27_and_the_Moelwynion_hills_from_the_quarrymen%27s_path_to_Bowydd_Quarry_-_geograph.org.uk_-_581860.jpg)
Alese e c'haller gwelet ar Moelwynion, menezioù en Eryri. Er gumuniezh emañ kêriadennoù Blaenau Ffestiniog, Llan Ffestiniog, Tanygrisiau. Drezi ivez e red ar stêr Afon Cynfal.
Ur skol kentañ derez zo e kêriadenn Llan Ffestiniog, anvet "Ysgol Bro Cynfal". Gwechall e oa ul linenn hent-houarn a gase eus Blaenau Ffestiniog da Y Bala, betek ar bloavezhioù 1960.
Liammet eo ar vro-se ouzh Blodeuwedd, Lleu Llaw Gyffes ha Gronw Pebr, a zo kaoz anezho e Pevar Skourr ar Mabinogi. E kantrev Ardudwy e oa Ffestiniog gwechall, a-raok bezañ e kontelezh Meirionnydd.
E 2011 e oa 4 875 a dud o chom e kumuniezh Ffestiniog ha 3 689 anezho a oa kembraegerien (78,6%)[1].