![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Mata_Hari_6.jpg/640px-Mata_Hari_6.jpg&w=640&q=50)
Femme fatale
From Wikipedia, the free encyclopedia
Ar femme fatale zo un anv gallek, adkemeret e kalz yezhoù all, a vez graet eus un dudenn el lennegezh (adkemeret goude er fiñvskeudennerezh), hag a zo ur vaouez a zegas ar marv d'an dud, hag a c'hallfe bezañ matezh an Ankou e brezhoneg neuze, pe da vihanañ droukchañs d'ar wazed hoalet ganti.
![Thumb image](http://upload.wikimedia.org/wikipedia/commons/thumb/1/16/Mata_Hari_6.jpg/320px-Mata_Hari_6.jpg)
![Thumb image](http://upload.wikimedia.org/wikipedia/commons/thumb/b/b6/Lilith_%28John_Collier_painting%29.jpg/320px-Lilith_%28John_Collier_painting%29.jpg)
![Thumb image](http://upload.wikimedia.org/wikipedia/commons/thumb/8/88/Franz_von_Stuck_010.jpg/640px-Franz_von_Stuck_010.jpg)
![Thumb image](http://upload.wikimedia.org/wikipedia/commons/thumb/3/36/Sharon_Stone_KV.jpg/320px-Sharon_Stone_KV.jpg)
![Thumb image](http://upload.wikimedia.org/wikipedia/commons/thumb/e/e3/Rebecca_Romijn_in_Marchesa_2.jpg/640px-Rebecca_Romijn_in_Marchesa_2.jpg)
Kavet e vez e mojennoù an holl vroioù hag a-hed istor al lennegezh, gwech evel morganez, pe sunerez-gwad, diaoulez pe sorserez, gwech evel soudardez, spierez, ha micherioù all c'hoazh. Sachañ a ra gwazed dinerzh daveti, paket e rouedoù o c'hoant.
Unan eus penntudennoù al lennegezh hag an arz eo eta, abaoe hor mamm Eva. Galloudoù hud he deus, teogiñ a ra he freizh, ur gwaz (peurliesañ) eta, evel pa vije un diaoulez tec'het eus puñs an ifern, o c'hoari gant he c'hened, gant he hoal, ha gant ar c'hoant c'hwezhet er wazed, da gas he mennozh kuzh da benn-vat.
Met ouzhpenn gant he c'horf e oar c'hoari ha mont a ra betek livañ gevier ha mont dre nerzh. Gant kontell pe kontamm e oar ober ivez.
A-wechoù avat ne vez nemet ur paourkaezh plac'h paket e rouedoù an tonkadur, evel er film du The Lady from Shanghai e 1948 .