From Wikipedia, the free encyclopedia
Death metal zo un doare eus ar sonerezh heavy metal. Implijiñ a ra torgammadoù kreñv ha gitaroù kendoniet en ur mod boud ha sonet gant teknikoù evel ar "palm muting" (mudañ gant ar palv) hag an "tremolo picking"; mouezhioù kraouennek ha don, un toumperezh tagus ha kreñv, gant implij dalc'hoù-doubl ha tempoioù fonnus, alc'hwezioù minor pe an didonegezh, hag ur songeitad kromatikel pazennek. Temoù komzoù death metal a c'hall bezañ tennet eus filmoù slasher, stourmoù politikel, relijionoù, an natur, ar brederouriezh, filmoù "true crime" hag ar skiant-faltaziek.[4][3]
Death metal | |
---|---|
Mammennoù an doare | thrash metal[1], hardcore punk[2] |
Mammennoù sevenadurel | deroù ar bloavezhioù 80 e SUA |
Doareoù diroudet | Groove metal |
Is-doareoù | |
Brutal death metal - industrial death metal - death metal melodek - old school death metal - slam death metal - death metal sinfonek - death metal teknek | |
Doareoù kendeuz | |
Blackened death-doom - blackened death metal (melodic black-death - war metal) - death-doom (funeral doom) - deathcore - deathgrind - deathrash - death 'n' roll | |
Darvoudoù lec'hel | |
Florida - Izelvroioù - Norvegia - Polonia - Sveden - Brazil |
Savet e oa diwar framoù sonerezhel ar thrash metal ha bloavezhioù kentañ ar black metal, an death metal a zifluskas e-kreiz ar bloavezhioù 80. Strolladoù evel Venom, Celtic Frost, Slayer, ha Kreator o devoa levezonet al luskad.[7][8][9] Possessed,[4] Death,[5] Necrophagia,[6] Obituary,[7] Autopsy,[8] ha Morbid Angel[9] a zo gwelet evel difraosterien an doare death metal. E fin ar bloavezhioù 1980 deroù 1990 e teuas war wel dirak an tud ha dont a ra da vout un doare poblek. Labeloù arbennikaet evel Combat, Earache, ha Roadrunner a groga disachiñ strolladoù da sinañ kevradoù ganto[10].
A-c'houde ar c'houlz-se en em rannas an death metal e meur ag is-doare. An death metal melodek a genaoz elfenoù death gant ar re eus an New Wave of British Heavy Metal. Ar death metal teknek zo un doare luziet, gant tempoioù hag hesonoù divoutin. An death-doom a genaoz ar c'han kraouennek hag an dalc'hoù doubl gant tempo goustad hag aergelc'h melkonek an doom metal. An deathcore a ra gant elfennoù ar metalcore. An death 'n' roll a dolpa ar mouezhioù kraouennek ha gitaroù distreset gant elfennoù hard rock hag heavy metal ar bloavezhioù 70.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.