Condottiero (condottieri el liester) eo an anv a veze graet er Grennamzer en italianeg eus ur brezelour a werzhe e ampartiz da vrezeliañ dre ur gevrat a veze anvet condotta.
Fedoù berr-ha-berr Iskevrennad eus, Organization directed by the office or position ...
Soudarded dilabour e oa ar gondottieri, pe noblañsed o klask brud er brezel, ha klask a raent labour e servij Stadoù bihan pe kgodedoù ha n'o doa gwir arme ebet d'o difenn. Paeet e vezent gant arc'hant, pe gant douaroù a-wechoù.
Hervez o lizher-labour (pe condotta) e rankent pourchas soudarded, dafar brezel hag ofiserien. Gwir varc'hadourien brezel e oant ouzhpenn brezelourien a vicher. A-wechoù e teuent da vout ken kreñv ma kemerent ar galloud er c'hêrioù a servijent.
War-dro 1550 ez eas ar vicher da goll. An anv italianek a chomas evit envel kabitened a vrezelie en armeoù estren.
Guidoriccio da Fogliano, marvet e 1352, a voe kabiten en arme Republik Siena, a voe trec'h war Montemassi e 1328, trec'h a voe livet gant Simone Martini en ur murlivadur er Palazzo Pubblico e Sienna.
