![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f5/Locator_map_Bergisches_Land_in_Germany.svg/langbr-640px-Locator_map_Bergisches_Land_in_Germany.svg.png&w=640&q=50)
Bergisches Land
From Wikipedia, the free encyclopedia
Ar Bergisches Land (Bro Berg en alamaneg) zo ur c'horn-bro gant torgennoù ha koadoù, e stad Nordrhein-Westfalen, en Alamagn, er reter d'ar Roen hag er c'hreisteiz d'ar Ruhr. Er c'hornad eo puilh ar c'hoadoù, ar pradoù, ar stêrioù hag ar gwazhioù-dour hag ouzhpenn 20 lenn zo, krouet gant Mab-Den[1]. Wuppertal eo ar gêr vrasañ ha pennlec'h ar vroig-se, met troet eo ar c'hreisteiz war-zu Köln dreist-holl. Remscheid, Solingen ha Wuppertal eo an teir c'hêr vrasañ.
![Thumb image](http://upload.wikimedia.org/wikipedia/commons/thumb/f/f5/Locator_map_Bergisches_Land_in_Germany.svg/640px-Locator_map_Bergisches_Land_in_Germany.svg.png)
e Nordrhein-Westfalen.
![Thumb image](http://upload.wikimedia.org/wikipedia/commons/thumb/0/0b/Burgholz45.jpg/640px-Burgholz45.jpg)
e-kichen ar c'hoadoù.
Deuet eo ar vroig-se diouzh Dugelezh Berg gwechall. Aotrouien ar vro, konted ha duged Berg, o deus roet o anv dezhi. An anv latin "terre Montensis" (bro ar menezioù, Bergisches Land) a gaver en un enskrivadur eus 1363. Mont a reas an Dugelezh da get e 1815 hag e 1822 e voe staget ar vro ouzh Prusia, pa voe lakaet holl broviñs ar Roen enni.